விஜய் நடிப்பில் அண்மையில் வெளியான ‘வாரிசு’ படத்தை காண ரசிகர்கள் குடும்பத்துடன் திரையரங்கிற்கு படையெடுத்தனர். மேலும் படம் ரிலீஸான ஐந்தே நாட்களில் உலக அளவில் ரூ. 150 கோடியும், 7 நாட்களில் ரூ. 210 கோடியும் வசூலித்துள்ளதாக படத்தை தயாரித்த தில் ராஜு அதிகாரப்பூர்வமாக அறிவித்தார். இந்நிலையில் ‘வாரிசு’ படத்தின் தற்போதைய வசூல் குறித்த தகவல் இணையத்தை கலக்கி வருகிறது.
வம்சி பைடிபல்லி இயக்கத்தில் வெளியான ‘வாரிசு’ படத்தினை ஸ்ரீ வெங்கடேஸ்வரா கிரியேஷன்ஸ் நிறுவனம் சார்பில் தில் ராஜு தயாரித்தார். விஜய்யுடன் முதன்முறையாக ராஷ்மிகா ஜோடி சேர்ந்த இந்தப்படத்தில் சரத்குமார், பிரபு, பிரகாஷ் ராஜ், எஸ்.ஜே. சூர்யா, ஷாம், ஸ்ரீகாந்த், சங்கீதா ஜெயசுதா, யோகிபாபு, ஸ்ரீமன், ஜான் விஜய், விடிவி கணேஷ் உள்ளிட்ட நட்சத்திர பட்டாளங்களே நடித்தனர்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
கடந்த மாதம் 11 ஆம் தேதி வெளியான ‘வாரிசு’ படத்தில் விஜய் ஒன்மேன் ஷோவாக கலக்கியுள்ளதாக ரசிகர்கள் படத்தை கொண்டாடினர். ரசிகர்கள் மத்தியில் வரவேற்பை பெற்ற இந்தப்படம் நெகட்டிவ் விமர்சனங்களையும் குவித்தது. படம் மிகவும் ஸ்லோவாக இருப்பதாகவும், தெலுங்கு சீரியல் போல் இருப்பதாகவும் பலரும் கழுவி ஊற்றினர்.
ஆனாலும் பேமிலி ஆடியன்ஸ் மத்தியில் வரவேற்பை பெற்றது ‘வாரிசு’. கடந்த பொங்கல் விடுமுறை மற்றும் வார இறுதி நாட்கள் இந்தப்படத்தின் வசூலுக்கு சாதகமாக அமைந்தது. குடும்பம் குடும்பமாக ‘வாரிசு’ படத்தை பார்க்க ரசிகர்கள் படையெடுத்தனர். வாரிசு படம் 7 நாட்களில் உலக அளவில் 210 கோடி ரூபாயை வசூல் செய்ததாக படக்குழுவினர் அறிவித்தனர்.
Mahalakshmi: எங்களை நேசிக்கும் உறவுகளுக்காக.. கோயிலுக்கு திடீர் விசிட் அடித்த ரவீந்தர் – மகாலட்சுமி.!
இந்நிலையில் ‘வாரிசு’ படம் வெளியாகி 27 நாட்கள் ஆகியுள்ள நிலையில் உலகளவில் பாக்ஸ் ஆபிசில் 300 கோடி வரை வசூலித்துள்ளதாக படக்குழுவினர் அதிகாரப்பூர்வமாக அறிவித்துள்ளனர். இதனை மெஹா பிளாக்பஸ்டர் என ட்விட்டரில் டிரெண்ட் செய்து வருகின்றனர் தளபதி ரசிகர்கள்.
Vaathi, Dhanush: சாதியை தூக்கி எறிந்த தனுஷ் பட நடிகை: குவியும் பாராட்டு.!
‘வாரிசு’ படத்தினை தொடர்ந்து லோகேஷ் கனகராஜ் இயக்கத்தில் நடிக்கிறார் விஜய். லியோ என டைட்டில் வைக்கப்பட்டுள்ள இதன் படப்பிடிப்பு தற்போது விறுவிறுப்பாக நடந்து வருகிறது. சஞ்சய் தத், மிஷ்கின், கெளதம் மேனன், அர்ஜுன், மன்சூர் அலிகான், திரிஷா, பிரியா ஆனந்த் உள்ளிட்ட மிகப்பெரிய நட்சத்திர பட்டாளமே ‘லியோ’ படத்தில் நடிப்பது குறிப்பிடத்தக்கது.