Microsoft, Google நிறுவனங்களை தொடர்ந்து இப்போது Youtube நிறுவனத்திலும் இந்திய வம்சாவளியை சேர்ந்தவர் தலைமை பொறுப்பை ஏற்கவுள்ளார். கடந்த 25 ஆண்டுகளாக Youtube நிறுவனத்தில் பணிபுரிந்துவந்த Susan Wojcicki தனது CEO பதவியை ராஜினாமா செய்ததால் இவர் அடுத்த தலைமை பொறுப்பேற்கும் அதிகாரியாக மாறியுள்ளார்.
49 வயதாகவும் இந்திய வம்சாவளியை சேர்ந்த Neal Mohan ஒரு மின் பொறியாளர் ஆவார். இவர் ஸ்டான்போர்ட் பல்கலைக்கழகத்தில் பொறியியல் மற்றும் MBA பட்டம் பெற்றவர். ஏற்கனவே இந்திய வம்சாவளி சேர்ந்த சுந்தர் பிச்சை Google தலைமை அதிகாரியாகவும் சத்யா நாடெல்லா Microsoft நிறுவன தலைமை அதிகாரியாகவும், சாந்தனு நாராயண் Adobe நிறுவனத்தின் தலைமை அதிகாரியாகவும் உள்ளார்கள். அந்த வரிசையில் இப்போது நீல் மோகன் இடம்பிடித்துள்ளார்.
இதன் காரணமாக இப்போது இந்தியர்கள் மத்தியில் அதிகம் தேடப்படும் நபராக மாறியுள்ளார். கடந்த பிப்ரவரி 16 அன்று இரவு 11 மணிக்கு திடீரென்று Google Search மூலமாக அதிகப்படியான பேர் Neal Mohan பற்றி தேட ஆரம்பித்தனர்.
குறிப்பாக கர்நாடக, டெல்லி, தெலுங்கானா, ஒடிஷா, மகாராஷ்டிரா ஆகிய மாநிலங்களில் இவரை பற்றி அதிகம் பேர் தேட ஆரம்பித்தனர். அதில் அதிகம் பேர்
நீல் மோகன் இந்தியரா?
என்று கேள்வி எழுப்பியிருந்தனர். மேலும் அவரது
Linkedin ID, சொத்து விவரம், அவரது குடும்பம், பூர்வீக இடம்
என அனைத்தையும் தேட ஆரம்பித்தனர்.
யார் இந்த நீல் மோகன்?
மோகன் கடந்த 2008 ஆம் ஆண்டு Google நிறுவனத்தில் வேளைக்கு சேர்ந்தார். இவரது பிரதான வேலையாக Youtube Shorts மற்றும் Youtube Music போன்றவற்றை உருவாக்கம் மற்றும் மேற்பார்வை இருந்தது. இவர் Microsoft நிறுவனத்திலும் பணிபுரிந்துள்ளார். மேலும் Stitch Fix, Genomics மற்றும் Biotechnology சம்பந்தப்பட்ட நிறுவனமான 23andMe போன்ற நிறுவனங்களில் Board Member பதவியிலும் உள்ளார்.
தலைமை பொறுப்பில் இருந்து விலகிய Susan Wojcicki Google நிறுவனம் தொடங்கிய காலத்தில் இருந்து அந்த நிறுவனத்தை தொடங்கியவர்களான Larry Page மற்றும் Sergey Brin ஆகியவர்களுடன் 1998 ஆம் ஆண்டு முதல் இருந்தவர். அதன் பின்னர் Youtube நிறுவனத்தை தொடங்கியபோது அதில் 16வது ஊழியராக வேளைக்கு சேர்ந்தவர்.
இவர் தற்போது பதவியில் இருந்து விலகியுள்ளதால் அடுத்ததாக தலைமை பொறுப்பில் இருக்கும் நீல் மோகன் அடுத்ததாக CEO பதவி ஏற்கவுள்ளார். இவர் Youtube போன்ற மிகப்பெரிய நிறுவனத்திற்கு தலைமை பொறுப்பு ஏற்பது இந்திய நாட்டிற்கே பெருமை என்று பலர் இணையத்தில் மகிழ்ச்சியாக கருத்து தெரிவிக்கின்றனர்.
செய்திகளை உடனுக்குடன் படிக்க கூகுள் நியூஸ்ல் ‘சமயம் தமிழ்’ இணையதளத்தை பின் தொடருங்கள்