31 ஆண்டுகளுக்கு முன் பிரிந்த ஒரு காதல் ஜோடி, வாழ்வின் பல கட்டங்களைக் கடந்தபின் மீண்டும் இணைந்ததைக் குறித்த ஒரு சுவாரஸ்ய செய்தி வெளியாகியுள்ளது.
கண்டதும் காதல்
இங்கிலாந்திலுள்ள Guisborough என்ற இடத்தைச் சேர்ந்த Kate Pymm (17), 1989ஆம் ஆண்டு, Devon நகருக்குச் சென்றிருந்தபோது, ஜேர்மனியைச் சேர்ந்த Guenther Baer (32)என்பவரை சந்தித்துள்ளார்.
Baer பார்ப்பதற்கு பிரபல இசைக்குழு ஒன்றைச் சேர்ந்த Magne Furuholmen என்பவரைப் போலவே இருந்ததால், Kateக்கு அவரைக் கண்டதும் ஈர்ப்பு உருவாகியுள்ளது.
image – FAMILY HANDOUT
இருவரும் அறிமுகம் செய்துகொண்டு, முகவரிகளைப் பகிர்ந்துகொண்டு பின் பிரிந்துசென்றுள்ளார்கள். கடிதம் மூலம் காதல் வளர்ந்துள்ளது.
ஆனால், இரண்டு வெவ்வேறு நாடுகளில் வாழ்ந்ததால் சரியாக சந்திக்கவும் முடியாமல், தொலைபேசிக் கட்டணம் மிக அதிகமாக இருந்ததால் பேசவும் முடியாமல் காதல் ஜோடி தவித்த நிலையில், ஒரு கட்டத்தில் இந்தக் காதல் கைகூடாது என்ற முடிவுக்கு வந்திருக்கிறார் Kate.
1993க்குப் பிறகு கடிதப் போக்குவரத்தும் நின்றிருக்கிறது.
Kate வேறொருவரைத் திருமணம் செய்து தனியாக மேக் அப் தொழில் ஒன்றைத் துவங்கியுள்ளார். Baerக்கு திருமணமாகி மூன்று பிள்ளைகள் பிறந்துள்ளன. ஒரு கட்டத்தில் இரண்டு தம்பதியருமே விவாகரத்து செய்து பிரிந்துள்ளார்கள்.
திரைப்படம் போல் ஒரு காட்சி
2020ஆம் ஆண்டு நவம்பர் மாதம் கிறிஸ்துமஸ் அட்டைகளைத் தேடும்போது, தனக்கு Baer எழுதிய காதல் கடிதங்கள் Kate கையில் கிடைத்துள்ளன. இவ்வளவு காலம் பத்திரமாக வைத்திருந்த அந்தக் கடிதங்களைக் கண்டதும் உணர்ச்சிகள் மேலோங்க, Baerஇன் முகவரியைக் கஷ்டப்பட்டுத் தேடிக் கண்டுபிடித்து அவருக்கு கடிதம் ஒன்றை எழுதியுள்ளார் Kate.
அவருக்குத் தெரியாது, கடந்த எட்டு ஆண்டுகளாகவே Kateஇன் நினைவுகள் Baerஐ வாட்டிவைத்துக்கொண்டிருப்பது.
image – FAMILY HANDOUT
கடிதம் கையில் கிடைத்த அடுத்த நிமிடம், அதாவது, இரண்டே நாட்களுக்குப் பிறகு, Kateஐ தொலைபேசியில் அழைத்துள்ளார் Baer. பல நாட்கள் தொலைபேசி உரையாடல்களுக்குப் பிறகு, 2021ஆம் ஆண்டு, ஜனவரி மாதம் மீண்டும் ஜோடி சந்திக்க, பழைய நினைவுகள் பொங்கியெழ, இனியும் பிரிந்திருப்பதில் அர்த்தமில்லை என்று உணர்ந்த Baerம் Kateம், 2021ஆம் ஆண்டு டிசம்பர் மாதம், ஜேர்மனியின் பவேரியாவில் திருமணம் செய்துகொண்டுள்ளார்கள்.
தற்போது, அதாவது கடந்த ஞாயிற்றுக்கிழமை நிலவரப்படி, ஜேர்மனிக்கே சென்று Baerஉடன் புது வாழ்வைத் துவங்க புறப்பட்டுள்ளார் Kate.
31 ஆண்டுகள் பிரிவுக்குப் பிறகு இணைந்த Baer, Kate ஜோடியின் கதை, திரைப்படம் போல சுவாரஸ்யமாகத்தான் உள்ளது.
image – FAMILY HANDOUT