கூகுள் புளூ டிக்: ட்விட்டர், ஃபேஸ்புக் மற்றும் இன்ஸ்டாகிராமிற்குப் பிறகு, இப்போது மாபெரும் தொழில்நுட்ப நிறுவனமான கூகுளும் அதன் பயனர்களுக்கு நீல நிறச் சரிபார்ப்பு அடையாளத்தைக் கொடுக்கும். இதன் மூலம் மக்கள் சரியான பயனரிடமிருந்து மின் அஞ்சலை பெறுகிறார்களா என்பதை எளிதாக அடையாளம் காண முடியும். இது மக்களை மோசடியில் இருந்து காப்பாற்றும். இந்த அம்சம் வெளியிடப்பட்டுள்ளதாகவும், இது Google Workspace, G Suite Basic மற்றும் Business -இன் அனைத்து வாடிக்கையாளர்களுக்கும் கிடைக்கும் என்றும் கூகுள் தெரிவித்துள்ளது. இது தவிர தனிப்பட்ட கூகுள் கணக்கு வைத்திருப்பவர்களுக்கும் இந்த சேவை வழங்கப்படுகிறது. BIMI அம்சத்தை தேர்ந்தெடுத்துள்ள நிறுவனங்கள் தானாகவே செக்மார்க்கை பெறும்.
BIMI அம்சம் என்றால் என்ன
கூகுள் 2021 இல் முதன்முறையாக ஜிமெயிலில் செய்தி அடையாளத்திற்கான பிராண்ட் இண்டிகேட்டர்களை (பிஐஎம்ஐ) அறிமுகப்படுத்தியது. இந்த அம்சத்தின் மூலம், மின்னஞ்சல் அனுப்புபவரின் பிராண்ட் லோகோவும் அவரது மின்னஞ்சலுடன் தெரியும். கூகுள் நிறுவனம் இந்த BIMI வசதியை இன்னும் சிறப்பாக செய்துள்ளதாக ஒரு அறிக்கையில் தெரிவித்துள்ளது. அதன் பிறகு, BIMI ஐப் பின்பற்றும் அனுப்புநரின் மின்னஞ்சலில் பெயருடன் ஒரு சரிபார்ப்பு அடையாளத்தை நுகர்வோர் காண்பார்கள். இதன் மூலம், சரிபார்க்கப்பட்ட அனுப்புநரால் எந்த மின்னஞ்சல் அனுப்பப்பட்டது என்பதை நுகர்வோர் அறிந்து கொள்ள முடியும்.
இந்த சேவை மக்களை மோசடியில் இருந்து காப்பாற்றும்
தொழில்நுட்ப நிறுவனமான கூகுள், ‘வலுவான மின்னஞ்சல் சரிபார்ப்பு நுகர்வோர் மற்றும் மின்னஞ்சல் பாதுகாப்பு அமைப்புகள் ஸ்பேமை அடையாளம் கண்டு தடுக்க உதவுகிறது. மின்னஞ்சல் அனுப்புபவர்கள் தங்கள் பிராண்ட் நம்பிக்கையை அதிகரிக்க ஒரு வாய்ப்பையும் வழங்குகிறது. இது மின்னஞ்சலின் மூலத்தில் நம்பிக்கையை அதிகரிக்கிறது மற்றும் அனைவருக்கும் சிறந்த மின்னஞ்சல் சூழலை உருவாக்குகிறது.’ என கூறியுள்ளது.
ட்விட்டரில் நீல டிக் இனி இலவசம் இல்லை
கூகுள் அதன் பயனர்களுக்கு நீல நிற சரிபார்ப்பு அடையாளங்களை வழங்குவதற்கு சற்று முன்பு, ட்விட்டரின் புதிய உரிமையாளர் எலோன் மஸ்க், மக்களின் நீல நிற பேட்ஜ்களை தளத்திலிருந்து அகற்றினார். மஸ்க் மக்களின் இலவச ப்ளூ டிக்களை எடுத்துவிட்டார். இப்போது ட்விட்டரில் ப்ளூ டிக் விரும்பும் நபர்கள் ட்விட்டருக்கு மாதம் ரூ 900 மற்றும் தங்க டிக் பெற நிறுவனங்கள் 1000 டாலர் கட்டணம் செலுத்த வேண்டும்.
ஃபேஸ்புக் மற்றும் இன்ஸ்டாகிராமும் இந்த சேவையை தொடங்கியுள்ளன
மெட்டா இன்ஸ்டாகிராம் மற்றும் ஃபேஸ்புக்கிலும் ப்ளூ டிக் சேவையை தொடங்கியுள்ளது. இதற்காக, Meta இணையத்தில் மாதத்திற்கு $11.99 மற்றும் மொபைலில் $14.99 வசூலிக்கிறது.
Meta சிஇஓ மார்க் ஜுகர்பர்க், “Meta Verified” கணக்கு பயனர்களுக்கு வெரிஃபைட் பேட்ஜ், தளங்களில் அதிகரித்த தெரிவுநிலை, முன்னுரிமை வாடிக்கையாளர் ஆதரவு மற்றும் இன்னும் பல வசதிகள் கிடைக்கும் என்று அறிவித்தார். பிப்ரவரியில் ஆஸ்திரேலியா மற்றும் நியூசிலாந்தில் இந்த அம்சம் தொடங்கப்பட்டது. மிக விரைவில் இந்த அம்சம் பிற நாடுகளுக்கும் வெளியிடப்படும் என நிறுவனம் தெரிவிதுள்ளது.