இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
இன்று இணையத்தில் பரபரப்பாக போய்க்கொண்டிருக்கும் விஷயம் தான் தளபதி 68. வெங்கட் பிரபு இயக்கத்தில் விஜய் நடிக்கப்போகிறார் என்ற செய்தியே ரசிகர்களை எதிர்பார்ப்பில் ஆழ்த்தியது. தளபதி 68 படத்தை அட்லீ அல்லது கோபிசந்த் ஆகியோரில் ஒருவர் தான் இயக்கப்போகின்றனர் என கிட்டத்தட்ட உறுதியாக கூறப்பட்டது.
பல ரசிகர்களும் மீண்டும் தெலுங்கு இயக்குனரா என ஷாக்காகினர். ஏனென்றால் ஏற்கனவே தெலுங்கு இயக்குனரான வம்சியின் இயக்கத்தில் விஜய் நடித்த வாரிசு திரைப்படம் என்னதான் வசூல் ரீதியாக வெற்றிப்படம் என சொன்னாலும் கலவையான விமர்சனங்களே பெற்றது.
Sivakarthikeyan: மீண்டும் வெற்றி கூட்டணியுடன் இணையும் சிவகார்த்திகேயன்..எதிர்பார்ப்பில் ரசிகர்கள்..!
எனவே மீண்டும் தெலுங்கு இயக்குனர் கோபிசந்த் விஜய்யை இயக்கப்போகின்றார் என்றவுடன் ரசிகர்கள் ஏமாற்றமடைந்தனர். ஆனால் இதெல்லாம் வெறும் வதந்தியாகவே இருக்க தற்போது விஜய் மற்றும் வெங்கட் பிரபுவின் கூட்டணியில் தளபதி 68 திரைப்படம் உருவாக இருப்பதாக அதிகாரபூர்வமாக அறிவிக்கப்பட்டுள்ளது.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
மேலும் இப்படத்தை AGS நிறுவனம் மிகப்பிரமாண்டமாக தயாரிக்கவும் இருக்கின்றது. இதையெல்லாம் விட ஸ்பெஷல் விஷயாமாக 20 வருடங்களுக்கு பிறகு விஜய்யின் படத்திற்கு யுவன் ஷங்கர் ராஜா இசையமைக்க இருக்கின்றார்.
இந்த செய்தி ஒட்டுமொத்த தமிழ் சினிமா ரசிகர்களையும் எதிர்பார்ப்பில் ஆழ்த்தியுள்ளது. இந்நிலையில் தளபதி 68 திரைப்படத்தின் படப்பிடிப்பு ஜூலை அல்லது ஆகஸ்ட் மாதம் துவங்கும் என எதிர்பார்க்கப்படுகின்றது.
மேலும் அடுத்தாண்டு ஏப்ரல் அல்லது மே மாதத்தில் இப்படம் திரையில் வெளியாகும் எனவும் பேசப்பட்டு வருகின்றது. இந்நிலையில் தளபதி 68 படத்தை முடித்துவிட்டு விஜய் சில மாதங்கள் ஓய்வு எடுக்கப்போவதாக இணையத்தில் ஒரு தகவல் பரவி வருகின்றது.
தொடர்ந்து அடுத்தடுத்து மிகப்பெரிய பட்ஜெட்டில் உருவாகும் படங்களில் ஓய்வின்றி விஜய் நடித்து வந்துள்ளார். எனவே சில மாதம் விஜய் ஓய்வு எடுத்துவிட்டு தன் திரைப்பயணத்தை அடுத்தகட்டத்துக்கு கொண்டு செல்ல திட்டமிட இருக்கின்றார் என செய்திகள் வருகின்றன.
ஆனால் இது எந்தளவிற்கு உண்மை என தெரியவில்லை. மேலும் இந்த செய்தி விஜய் ரசிகர்களை அதிர்ச்சியில் ஆழ்த்தியுள்ளது குறிப்பிடத்தக்கது.