இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
உலகநாயகன்
கமல்
ஹாசன் விக்ரம் படத்தின் வெற்றியின் மூலம் புது உத்வேகம் பெற்றுள்ளார். அதற்கு முன்பு வரை அரசியல், டிவி நிகழ்ச்சிகள் என பிசியாக இருந்த கமல் இடையில் நான்கு ஆண்டுகாலம் படங்களில் நடிக்காமல் இருந்து வந்தார். அவரை மீண்டும் படங்களில் நடிக்க செய்தது விக்ரம் படத்தின் வெற்றிதான் என சொன்னால் அது மிகையாகாது.
அதன் பிறகு தற்போது ஷங்கரின் இயக்கத்தில் உருவாகும் இந்தியன் 2 படத்தில் நடித்து வருகின்றார் கமல். கடந்த 2018 ஆம் ஆண்டே துவங்கப்பட்ட இப்படம் பல காரணங்களால் கிடப்பில் போடப்பட்டது. இதையடுத்து கமலின் முயற்சியால் தற்போது மீண்டும் இப்படத்தின் படப்பிடிப்பு துவங்கி விறுவிறுப்பாக நடைபெற்று வருகின்றது.
Simbu: STR48 படத்திற்காக சிம்பு எடுக்கப்போகும் புது அவதாரம்..கண்டிப்பா பந்தயம் அடிக்கும் போலயே..!
இதைத்தொடர்ந்து அடுத்தாண்டு இந்தியன் 2 திரைப்படம் திரையில் வெளியாகும் என எதிர்பார்க்கப்படுகின்றது. இப்படத்தை தொடர்ந்து கமல் வினோத் இயக்கத்தில் ஒரு படம், ரஞ்சித் இயக்கத்தில் ஒரு படம் என அடுத்தடுத்து படங்களில் நடிக்க கமிட்டாகியுள்ளார். இதைத்தவிர லோகேஷ் இயக்கத்தில் விக்ரம் படத்தின் அடுத்த பாகத்திலும் கமல் நடிக்கவுள்ளார்.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
படங்களில் நடிப்பது மட்டுமல்லாமல் ஒரே சமயத்தில் பல படங்களை தயாரித்தும் வருகின்றார் கமல். சிவகார்த்திகேயன் நடிப்பில் உருவாகும் ஒரு படம், சிம்பு நடிப்பில் உருவாகும் ஒரு படம் என தயாரித்து வருகின்றார் கமல். இதில் சிம்புவின் திரைப்படம் 100 கோடி பட்ஜெட்டில் மிகப்பிரமாண்டமாக தயாராக இருக்கின்றது.
இந்நிலையில் இவ்வாறு பிசியாக இருக்கும் கமலின் அடுத்த ரிலீஸ் இந்தியன் 2 தான் என ரசிகர்கள் எண்ணியிருந்தனர். ஆனால் அவர்களை குஷிப்படுத்தும் வகையில் கமல் நடிப்பில் வெளியான மெகாஹிட் திரைப்படம் ஒன்று இந்தியன் 2 படத்திற்கு முன்பே ரீரிலீசாக இருக்கின்றது.
கடந்த 2006 ஆம் ஆண்டு கௌதம் மேனனின் இயக்கத்தில் கமல் நடிப்பில் வெளியான வேட்டையாடு விளையாடு திரைப்படம் தற்போது புது பொலிவுடன் ரீ ரிலீஸ் ஆகயிருப்பதாக தகவல்கள் வருகின்றன. 2006 ஆம் ஆண்டு வெளியான வேட்டையாடு விளையாடு திரைப்படம் ஒரு சிறப்பான ஆக்ஷன் திரில்லர் படமாக வெளியாகி ரசிகர்களின் அமோகமான வரவேற்பை பெற்று மிகப்பெரிய வெற்றியை அடைந்தது.
இதையடுத்து தற்போது இப்படத்தை டிஜிட்டல் முறையில் புதுப்பித்து மறுபடியும் திரையரங்கங்களில் வெளியிட தயாரிப்பு நிறுவனம் ஆர்வம் காட்டி வருகின்றது. தற்போது கூட இப்படம் டிவியில் போட்டால் TRP அமோகமாக இருந்து வருகின்றது.
கிட்டத்தட்ட 16 ஆண்டுகள் ஆனபின்பும் வேட்டையாடு விளையாடு படத்தின் மவுசு குறையவில்லை. எனவே தான் இப்படத்தை ரீரிலீஸ் செய்தால் ரசிகர்கள் மீண்டும் திரையரங்கில் இப்படத்தை திரையில் கொண்டாடுவார்கள் என தயாரிப்பு நிறுவனம் திட்டமிட்டுள்ளது. எனவே விரைவில் வேட்டையாடு விளையாடு படத்தின் ரீரிலீஸ் பற்றிய அறிவிப்பு வெளியாகும் என எதிர்பார்க்கப்படுகின்றது குறிப்பிடத்தக்கது.