தமிழ் சினிமாவில் முதல் காதலை நினைவுப்படுத்தும் படங்கள் எப்போதும் வரவேற்பை பெறுவது வழக்கம். அந்த வகையில் தற்போது பிரிந்து போன காதல் நினைவுகளை தூசி தட்டி எழுப்பும் படைப்பாக ரிலீசாகியுள்ளது ‘தீராக் காதல்.
இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
தமிழ் சினிமாவில் தொடர்ச்சியாக கதாநாயகிகளுக்கு முக்கியத்துவம் அளிக்கும் படங்களில் நடித்து வருபவர் ஐஸ்வர்யா ராஜேஷ். இவரது நடிப்பில் அண்மையில் தான் ‘பர்ஹானா’ என்ற படம் வெளியாகியிருந்தது. விமர்சனரீதியாக இந்தபடம் வரவேற்பை பெற்றாலும் வசூல்ரீதியாக இந்தப்படம் சறுக்கலை சந்தித்தது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
அதே போல் நீண்ட காலமாக ஒரு ஹிட்டுக்காக காத்திருக்கிறார் ஜெய். இவர்கள் இருவரும் தற்போது இணைந்து நடித்துள்ள படம் ‘தீராக் காதல்’. ரோஷின் வெங்கடேசன் இயக்கத்தில் ஜெய், ஐஸ்வர்யா ராஜேஷ், ஷிவிதா ஆகியோர் நடிப்பில் வெளியாகியுள்ளது ‘தீராக் காதல்’.
சென்னையில் மனைவி, குழந்தை என நிம்மதியான வாழ்க்கை வாழ்ந்து வரும் ஜெய் ஒரு பயணத்தின் போது தனது முன்னாள் காதலி ஆரண்யாவை (ஐஸ்வர்யா ராஜேஷ்) சந்திக்கிறார். இருவரும் தங்களின் காதல் நினைவில் மூழ்கின்றனர். இருவரும் வெளியூரில் ஒரு வாரம் சொந்த பிரச்சனைகளை மறந்து காதலில் திளைக்கின்றனர்.
Kavin: அனிருத், அயோத்தி பட ஹீரோயின்: தரமான கூட்டணியுடன் களமிறங்கும் கவின்.!
ஜெய்க்கு தன்மீது கவனம் செலுத்த்தாத மனைவியால் தனிமை ஒரு பிரச்சனை. ஐஸ்வர்யா ராஜேஷ் தினம் தனது கணவனால் கொடுமைக்கு உள்ளாகிறாள். இதனால் இவர்களின் திடீர் சந்திப்பு கவலைகளை மறக்க செய்கிறது. அதன்பின்னர் இருவரும் மீண்டும் சந்தித்துக்கொள்ள வேண்டாம் என முடிவு செய்கின்றனர். ஆனால் ஒருக்கட்டத்தில் ஐஸ்வர்யா ராஜேஷ் கணவரை விட்டு வந்து ஜெய்யை மனைவியை பிரிந்து வருமாறு நச்சரிக்கிறார்.
ஜெய் இதற்கு மறுப்பதால் அவன் வீட்டுக்கு எதிரிலே குடி வருகிறார். இதன்பிறகு என்ன நடக்கிறது என்பது தான் ‘தீராக் காதல்’ படத்தின் கதை. தமிழ் சினிமாவில் இதே பாணியில் பல படங்கள் ரிலீசாகியுள்ள நிலையில் அதே டெம்ப்ளேட்டில் இந்தப்படமும் உருவாகியிருப்பது தான் சோகம். காதலி, மனைவி இருவருக்கும் மாட்டிக்கொண்டு தவிப்பவராக கச்சிதமாக கதாபாத்திரத்துடன் ஒன்றியுள்ளார் ஜெய்.
ஆஷிஷ் வித்யார்த்தியின் இரண்டாம் திருமணம்: வைரலாகும் முதல் மனைவியின் பதிவு.!
ஐஸ்வர்யா ராஜேஷ் தனக்கு கொடுக்கப்பட்டுள்ள கனமான கதாபாத்திரத்தில் சிறப்பாக நடித்து கவனம் ஈர்த்துள்ளார். ஜெய் மனைவியாக நடித்துள்ள ஷிவிதா தனக்கு கொடுக்கப்பட்ட வேலையை நிறைவாகவே செய்துள்ளார். சிறிது பிசகினாலும் கள்ளக்காதல் போல் மாறிவிடும் கதையை நேர்த்தியாக கையாண்டு ரசிக்க வைத்துள்ளார் இயக்குனர் ரோஷின் வெங்கடேசன். மொத்தத்தில் அனைவருக்கும் பிரிந்து போன முன்னாள் காதலை நிச்சயமாய் அசை போட வைக்கும் படைப்பாக கவனம் ஈர்த்துள்ளது இந்த ‘தீராக் காதல்’.