ஓடிடியில் வெளியாகும் ரகுல் பிரீத் சிங் படம்
தென்னிந்திய சினிமாவின் முன்னணி நடிகை ரகுல் பிரீத் சிங். தடையறத் தாக்க, புத்தகம், என்னமோ ஏதோ, தீரன் அதிகாரம் ஒன்று, தேவ், என்ஜிகே, உள்ளிட்ட பல தமிழ் படங்களிலும் நடித்துள்ளார். தற்போது இந்தியன் 2, அயலான் படங்களில் நடித்து வருகிறார். ரகுல் ப்ரீத் சிங் தற்போது பாலிவுட் சினிமாவிலும் முன்னணி நடிகையாக வளர்ந்து வருகிறார். கடந்த ஆண்டு மட்டும் அட்டாக், ரன்வே 34, கட்புட்டில், டாக்டர்ஜி, தேங்க் காட், சத்ரவாலி படங்களில் நடித்தார். தற்போது 'ஐ லவ் யூ' என்ற படத்தில் நடித்து முடித்துள்ளார்.
நிகில் மகாஜன் இயக்கியுள்ள இந்த படத்தில் பவில் குலாட்டி கதாநாயகனாக நடித்துள்ளார். அக்ஷய் ஓபராய் முக்கிய கேரக்டரில் நடித்துள்ளார். காதல் கலந்த திரில்லர் படமாக தயாராகியுள்ள இந்த படத்தின் டிரைலர் சமீபத்தில் வெளியாகி இருந்தது. இந்த படம் தற்போது ஓடிடி தளத்தில் வருகிற 16ம் தேதி வெளிவர இருப்பதாக அறிவிக்கப்பட்டுள்ளது. ஜியோ சினிமா ஓடிடி தளம் வெளியிடுகிறது.