தமிழ் சினிமாவில் இசையமைப்பாளராக பல சூப்பர் ஹிட் பாடல்களை வழங்கிய விஜய் ஆண்டனி தற்போது நடிகராக கலக்கி வருகிறார். அண்மையில் இவரது நடிப்பில் வெளியான ‘பிச்சைக்காரன் 2’ படம் ரசிகர்கள் மத்தியில் நல்ல வரவேற்பினை பெற்றது. இதனையடுத்து இவரது நடிப்பில் உருவாகியுள்ள ‘கொலை’ படம் ரிலீசுக்கு தயாராகவுள்ளது.
விஜய் ஆண்டனி நடிகராக பல படங்களில் நடித்து வருகிறார். இந்நிலையில் தான் ‘பிச்சைக்காரன் 2’ படத்தின் மூலம் இயக்குனராகவும் அவதாரம் எடுத்தார். அவரே இயக்கி நடித்து தயாரித்து வெளியான இந்தப்படம் வசூலில் நல்ல வரவேற்பை பெற்றது. தமிழை விட தெலுங்கில் இந்தப்படத்திற்கு ரசிகர்கள் மத்தியில் அமோகமான வரவேற்பு கிடைத்தது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இந்நிலையில் விஜய் ஆண்டனி நடிப்பில் அடுத்ததாக வெளியாகவுள்ள ‘கொலை’ படத்தில் ரித்திகா சிங், மீனாட்சி சௌத்ரி,
ராதிகா சரத்குமார்
, முரளி சர்மா, சித்தார்த்தா சங்கர், கிஷோர் குமார், ஜான் விஜய் உள்ளிட்ட பலர் இணைந்து நடித்துள்ளனர். பாலாஜி கே. குமார் என்பவர் இயக்கியுள்ள இந்தப்படத்திற்கு சிவக்குமார் விஜயன் இசையமைத்துள்ளார்.
இப்படத்தின் டிரெய்லர் வெளியாகி ரசிகர்கள் மத்தியில் நல்ல வரவேற்பை பெற்று வருகிறது. சஸ்பென்ஸ் திரில்லர் பாணியில் இந்தப்படம் உருவாகியுள்ளது. இந்நிலையில் ‘கொலை’ படம் குறித்து தயாரிப்பாளர் தனஞ்செயன் பேசும் போது, வித்தியாசமான முறையில் ஒளிப்பதிவு, சிஜி உள்ளிட்டவையை இந்தப்படத்தில் முயற்சி செய்துள்ளோம். கண்டிப்பாக விஷுவல் ட்ரீட்டாக இருக்கும். மேலும் எந்த படத்திலும் பார்க்காத விஷயம் இதில் இருக்கும்.
Maamannan: வசூலில் பட்டையை கிளப்பும் ‘மாமன்னன்’: 7 நாட்களில் இத்தனை கோடி வசூலா.!
அண்மையில் வெளியான ‘போர்தொழில்’ படத்தில் சரத்குமாருக்கு உதவியாளராக அசோக் செல்வன் வருவதை போல, இந்தப்படத்தில் விஜய் ஆண்டனிக்கு அசிஸ்டெண்டாக ரித்திகா சிங் வருவார். படத்தில் கொலையாளியை முன்னாடியே காண்பித்து, அவர் எப்படி கொலை செய்திருப்பார் என்ற கோணத்தில் படத்தின் திரைக்கதையை அமைத்திருக்கிறோம்.
நிச்சயமாக இது பார்ப்பதற்கு புது அனுபவமாக இருக்கும் என தெரிவித்துள்ளார். ‘கொலை’ படம் வரும் 21 ஆம் தேதி திரையரங்குகளில் வெளியாகவுள்ளது. விஜய் ஆண்டனி கைவசம் தற்போது இரத்தம், மழை பிடிக்காத மனிதன், வள்ளி மயில் ஆகிய படங்கள் உள்ளது குறிப்பிடத்தக்கது.
KH 233: ‘கமல் 233’ படத்தின் கதை இதுதானா.?: தரமான சம்பவத்தை கையிலெடுத்துள்ள ஆண்டவர்.!