ரஜினி நடிப்பில் அடுத்ததாக ‘ஜெயிலர்’ படம் வெளியாகவுள்ளது. நெல்சன் திலீப்குமார் இயக்கும் இதன் படப்பிடிப்பு முழுவதுமாக நிறைவடைந்து தற்போது ரிலீசுக்கு தயாராகவுள்ளது. அண்மையில் இந்தப்படத்தில் இடம்பெற்றிருந்த ‘காவாலா’ பாடல் வெளியாகி ரசிகர்கள் மத்தியில் வரவேற்பை பெற்று வருகிறது. இந்நிலையில் இந்தப்பாடல் குறித்து ரஜினியின் தீவிர ரசிகரும், நடிகருமான ராகவா லாரன்ஸ் பகிர்ந்து பதிவு இணையத்தில் வைரலாகி வருகிறது.
‘ஜெயிலர்’ படத்தின் முதல் அப்டேட்டாக ‘காவாலா’ என்ற பாடல் வெளியாகியுள்ளது. இந்தப்பாடலின் அறிவிப்பை தனது ஸ்டைலில் ப்ரோமோ வீடியோவாக வெளியிட்டார் நெல்சன் திலீப்குமார். இந்த வீடியோ இணையத்தில் செம்மையாக வைரலானது. இதனையடுத்து நேற்று முன்தினம் ‘காவாலா’ பாடல் வெளியாகி ரசிகர்கள் மத்தியில் நல்ல வரவேற்பை பெற்று வருகிறது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
அனிருத்தின் இசையில், தமன்னாவின் கிளாமரான டான்ஸில் ‘காவாலா’ பாடல் வெளியாகியுள்ளது. லிரிக்கல் வீடியோவாக வெளியாகியுள்ள இந்தப்பாடலில் சில காட்சிகளில் ரஜினியின் லுக்கை பார்த்த அவரது ரசிகர்கள் இணையத்தில் டிரெண்ட் செய்து வருகின்றனர். அத்துடன் ‘காவாலா’ பாடல் யூடியூப் டிரெண்டிங்கிலும் பல சாதனைகளை அசால்ட்டாக செய்து வருகிறது.
அத்துடன் ‘காவாலா’ பாடல் குறித்து சில விமர்சனங்களும் எழுந்துள்ளது. சூப்பர்ஸ்டாரின் படத்தில் நாயகியை மையமாக வைத்து பர்ஸ்ட் சிங்கிள் வெளியிடப்பட்டுள்ளதாக சிலர் நெகட்டிவாகவும் பேசி வருகின்றனர். அத்துடன் இந்தப்படத்தில் இடம்பெற்றுள்ள ரஜினியின் லுக் குறித்தும் விமர்சிக்கப்பட்டு வருகிறது. ஆனால் இந்த நெகட்டிவ் கமெண்ட்கள் குறித்தெல்லாம் கவலைப்படாமல் ‘காவாலா’ பாடலை கொண்டாடி வருகின்றனர் ரசிகர்கள்.
Tamanna: ‘லஸ்ட் ஸ்டோரிஸ் 2’ -வில் நடிக்க தமன்னா வாங்கிய சம்பளம் இவ்வளவா..?
இந்நிலையில் விமர்சனங்களுக்கு மத்தியில் ‘காவாலா’ பாடல் குறித்து நடிகர் ராகவா லாரன்ஸ் தனது ட்விட்டர் பக்கத்தில் பதிவு ஒன்றை பகிர்ந்துள்ளார். அதில், ‘தலைவர் ரஜினியின் அட்டகாசமான ஸ்டைல், அனிருத்தின் இசை, தமன்னா நடனம் மற்றும் ஜானியின் நடன அமைப்பு ஆகியவை ‘காவாலா’ பாடலுக்கு மேலும் வலு சேர்க்கிறது. ஜெயிலர் மாபெரும் வெற்றியடைய படக்குழுவினருக்கு எனது வாழ்த்துக்கள்’ என பதிவிட்டுள்ளார்.
‘ஜெயிலர்’ படத்தில் ரஜினியுடன் இணைந்து சிவராஜ்குமார், மோகன்லால், ஜாக்கி ஷெரப், சுனில் உள்ளிட்ட பல மொழிகளை சார்ந்த பிரபலங்கள் இணைந்து நடித்து வருகின்றனர். அத்துடன் ரம்யா கிருஷ்ணன், தமன்னா, விநாயகன், யோகி பாபு உள்ளிட்டோரும் இந்தப்படத்தில் நடித்துள்ளனர். ‘ஜெயிலர்’ படம் வரும் ஆகஸ்ட் 10 ஆம் தேதி திரையரங்குகளில் வெளியாகவுள்ளது குறிப்பிடத்தக்கது.
Maaveeran: ‘மாவீரன்’ படத்துக்கு நோ சொன்ன ரஜினி, கமல்: மெஹா ட்விஸ்ட் வைத்துள்ள படக்குழு.!