எதிர்பார்ப்பில் ஜெயிலர்ரஜினியின் நடிப்பில் நெல்சனின் இயக்கத்தில் உருவாகும் ஜெயிலர் திரைப்படம் தற்போது இறுதிக்கட்டத்தை எட்டியுள்ளது. சன் பிக்சர்ஸ் தயாரிப்பில் அனிருத்தின் இசையில் உருவாகும் இப்படத்தில் மோகன்லால், ஷிவ்ராஜ்குமார், ஜாக்கி ஷாரூப் என மிகப்பெரிய நட்சத்திர பட்டாளமே நடித்துள்ளனர். இதன் காரணமாக தற்போது ஜெயிலர் ஒரு பான் இந்திய படமாக மாறியுள்ளது. அதுதவிர ஜெயிலர் படத்தின் போஸ்டர்ஸ் மற்றும் கிலிம்ஸ் வீடியோ ரசிகர்களின் வரவேற்பை பெற்றுள்ளதால் இப்படத்தின் மீதான எதிர்பார்ப்பு பலமடங்கு உயர்ந்துள்ளது. இதையடுத்து ஜெயிலர் திரைப்படம் ஆகஸ்ட் மாதம் திரையில் வெளியாகவுள்ளது
காவாலாஆகஸ்ட் மாதம் வெளியாகவுள்ள ஜெயிலர் படத்தின் ப்ரோமோஷன் வேலைகள் தற்போது துவங்கியுள்ளது. அந்த வகையில் இப்படத்திலிருந்து முதல் பாடல் சில தினங்களுக்கு முன்பு வெளியானது. இந்த பாடலை வெளியிட நெல்சன் வழக்கம் போல தன் ஸ்டைலில் ஒரு ப்ரோமோ வீடியோ ஒன்றை வெளியிட்டார். அந்த
ப்ரோமோ வைரலான நிலையில் காவாலா என்ற பாடல் வெளியாகி மாஸ் ஹிட்டடித்துள்ளது. என்னதான் காவாலா ரஜினியின் பாடலாக இல்லாமல் தமன்னாவின் பாடலாக இருந்தாலும் ரஜினி சில வினாடிகளே வந்து ரசிகர்களை தன் வழக்கமான ஸ்டைலால் ஈர்த்தார். மேலும் இப்பாடல் தற்போது யூடியூபில் பல சாதனைகளை செய்து வருகின்றது
கட்டாய வெற்றிநெல்சன் ஜெயிலர் படத்திற்கு முன்பு விஜய்யை வைத்து பீஸ்ட் என்ற படத்தை இயக்கினார். மிகப்பெரிய எதிர்பார்ப்பில் வெளியான இப்படம் கலவையான விமர்சனங்களையே பெற்றது. இருந்தாலும் நெல்சனுக்கு ரஜினியை இயக்கும் வாய்ப்பு கிடைத்தது. எனவே பீஸ்ட் படத்தில் விட்டதை ஜெயிலர் படத்தில் பிடித்துவிட வேண்டும் என கடுமையாக உழைத்து வருகின்றார் நெல்சன். பீஸ்ட் படத்தினால் தான் சந்தித்த விமர்சனங்களுக்கும் ட்ரோல்களுக்கும் நெல்சன் ஜெயிலர் படத்தின் வெற்றியின் மூலம் பதிலடி கொடுக்க காத்துக்கொண்டிருக்கிறார். இந்நிலையில் ஜெயிலர் படம் சிறப்பாக வந்துள்ளதாகவும், ரஜினி இப்படத்தை பார்த்துவிட்டு கண்டிப்பாக ஜெயிலர் மிகப்பெரிய வெற்றியை பெரும் என நம்பிக்கையில் இருப்பதாகவும் தகவல்கள் வருகின்றன
அடுத்த படம்ஜெயிலர் படத்தை அடுத்து நெல்சனின் அடுத்த படத்தை பற்றிய தகவல் வெளியாகி ரசிகர்களை உற்சாகமாக்கியுள்ளது. அதாவது ஜெயிலர் படத்திற்கு பிறகு நெல்சன் ராஜ் கமல் பிலிம்ஸ் சார்பாக கமல் தயாரிக்கும் ஒரு படத்தை இயக்கவுள்ளார் என்றும் ,அப்படத்தில் தனுஷ் நாயகனாக நடிக்கவுள்ளார் என்றும் தகவல்கள் வருகின்றன. கடந்த பல மாதங்களாக நெல்சன் மற்றும் தனுஷ் கூட்டணியில் ஒரு படம் உருவாக இருப்பதாக செய்திகள் வந்தன. இந்நிலையில் இவர்கள் கூட்டணியில் உருவாகும் படத்தை ராஜ் கமல் பிலிம்ஸ் சார்பாக கமல் தான் தயாரிக்க இருக்கின்றார் என தற்போது ஒரு தகவல் வெளியாகியுள்ளது. சிவகார்த்திகேயனின் SK21, சிம்புவின் STR48 ஆகிய படங்களை தயாரித்து வரும் கமல் அடுத்ததாக தனுஷின் படத்தையும் தயாரிக்க இருக்கின்றார். இதனை பற்றிய அதிகாரபூர்வ அறிவிப்பு விரைவில் வெளியாகும் என எதிர்பார்க்கப்படுகின்றது