அண்மையில் வெளியாகி மிகப்பெரிய அளவில் ட்ரோல் செய்யப்பட்டு ரசிகர்கள் மத்தியில் அதிருப்தியை சம்பாதித்த படம் ‘ஆதிபுருஷ்’. இராமாயணத்தை மையமாக வைத்து வெளியான இந்தப்படம் ஏகப்பட்ட நெகட்டிவ் விமர்சனங்களை குவித்தது. இந்தப்படத்தின் கதாநாயகன் பிரபாஸின் அடுத்த படமாக ‘ப்ராஜெக்ட் கே’ உருவாகவுள்ளது. இந்நிலையில் இந்தப்படத்தின் முதல் கிளிம்ப்ஸ் வீடியோ வெளியாகி ரசிகர்கள் மத்தியில் கவனம் ஈர்த்து வருகிறது.
‘பாகுபலி’ படத்தின் வெற்றிக்கு பிறகு பான் இந்திய ஹீரோவாகவே மாறியுள்ளார் பிரபாஸ். ஆனால் அந்தப்படத்திற்கு பிறகு வெளியான எந்த படங்களும் பிரபாசுக்கு பெரியளவில் கை கொடுக்கவில்லை. இந்நிலையில் தனது அடுத்த பான் இந்திய படமாக ‘ப்ராஜெக்ட் கே’ வில் நடிக்கிறார் பிரபாஸ். இந்த்ப்படத்தினை நாக் அஷ்வின் இயக்குகிறார்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
கீர்த்தி சுரேஷ் நடிப்பில் வெளியாகி மாபெரும் வெற்றி பெற்ற ‘நடிகையர் திலகம்’ படத்தினை இயக்கிய நாக் அஸ்வின் இயக்கத்தில் இந்தப்படம் உருவாகிறது. ‘ப்ராஜெக்ட் கே’ படத்தில் பிரபாஸ், தீபிகா படுகோனே, அமிதாப் பச்சன், திஷா பதானி, பசுபதி உள்ளிட்ட பலர் நடிக்கின்றனர். படக்குழுவினர் அனைவரும் தற்போது அமெரிக்காவில் உள்ள சான் டியாகோ நகருக்கு சென்று ‘ப்ராஜெக்ட் கே’ என்றால் என்ன? என்ற தலைப்பில் ப்ரோமோஷன் நடத்தி வந்தனர்.
இந்நிலையில் ‘ப்ராஜெக்ட் கே’ படத்தின் அட்டகாசமான கிளிம்ப்ஸ் வீடியோ வெளியாகி சோஷியல் மீடியாவில் வைரலாகி வருகிறது. நள்ளிரவு ஒரு மணி அளவில் இந்த வீடியோ வெளியாகி கவனம் ஈர்த்து வருகிறது. இந்த வீடியோவில் அப்பாவிகள் கூட்டம் வில்லனிடம் மாட்டிக்கொள்ள அவர்களை காப்பாற்ற பிரபாஸ் அவதாரம் எடுப்பதை போல் அமைந்துள்ளது.
Maaveeran:’மாவீரன்’ வெற்றி விழா: தோல்வி குறித்து உருக்கமாக பேசிய சிவகார்த்திகேயன்.!
அத்துடன் இந்த வீடியோவின் இறுதியில் ‘ப்ராஜெக்ட் கே’ என்றால் என்ன? என்று ஒருவர் கேட்க, அதற்கு ‘கல்கி’ என சொல்வதை போல் வீடியோ முடிவடைகிறது. கலியுகத்தின் கடைசி அவதாரமாக பார்க்கப்படும் கல்கி 2898 ஆம் அவதாரம் எடுப்பதை போல் காண்பிக்கப்பட்டுள்ளது. மேலும் இந்தப்படத்திற்கு ‘கல்கி 2898 AD’ என டைட்டில் வைத்துள்ளனர். ‘ஆதிபுருஷ்’ படத்தில் ராமராக நடித்த பிரபாஸ் தற்போது இந்தப்படத்தில் விஷ்ணுவின் அவதாரம் கல்கியாக நடிக்கிறார்.
‘கல்கி 2898 AD’ படத்தில் உலக நாயகன்
கமல்
முக்கியமான கதாபாத்திரத்தில் நடிக்கிறார். இதனாலே தமிழ் சினிமா ரசிகர்கள் மத்தியில் இந்தப்படம் கவனம் ஈர்த்துள்ளது. மேலும் 20 நாட்கள் கால்ஷீட்டுக்கு 150 கோடி வரை சம்பளம் வழங்கப்பட்டுள்ளதாகவும் கூறப்படுகிறது. இந்தப்படத்தில் கமல் வில்லனாக நடிப்பார் எனவும் எதிர்பார்க்கப்படுவது குறிப்பிடத்தக்கது.
G. V. Prakash Kumar: மன்னிக்க முடியாத பெருங்குற்றம்.. பேரவலம்: ஜி.வி. பிரகாஷ் கொந்தளிப்பு.!