கோலிவுட் சினிமாவின் பிரபலமான இயக்குனரான அட்லீ பாலிவுட் சென்று அங்கு செய்துள்ள சம்பவம் தான் ‘ஜவான்’ படம். தனது முதல் இந்தி படத்தினை ஷாருக்கானை வைத்து இயக்கியுள்ளார். இந்தப்படத்தில் நயன்தாரா, விஜய் சேதுபதி, யோகி பாபு என பிரபலமான கோலிவுட் முகங்கள் நடித்துள்ளனர். இந்நிலையில் ‘ஜவான்’ படம் குறித்து வெளியாகியுள்ள லேட்டஸ்ட் தகவல் ரசிகர்களின் எதிர்பார்ப்பினை எகிற செய்துள்ளது.
ஆர்யா நடிப்பில் வெளியான ‘ராஜா ராணி’ படம் மூலமாக தமிழ் சினிமாவில் இயக்குனராக அறிமுகமானவர் அட்லீ. இவரது முதல் படமே ரசிகர்கள் மத்தியில் வரவேற்பினை பெற்றது. இதனையடுத்து விஜய்யை இயக்கும் வாய்ப்பை கைப்பற்றிய அட்லீ தெறி, மெர்சல், பிகில் என வரிசையாக மூன்று ஹாட்ரிக் வெற்றி படங்களை இயக்கி விஜய் ரசிகர்களின் மனதில் இடம்பிடித்தார்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இதனையடுத்து பாலிவுட்டில் படம் இயக்க சென்ற அட்லீ நீண்ட காலமாக ஷாருக்கானின் கால்ஷீட்டிற்காக காத்திருந்தார். ‘பதான்’ பட வெளியீட்டை தொடர்ந்து ஷாருக்கான் நடிப்பில் ‘ஜவான்’ உருவாக துவங்கியது. அட்லீ இயக்கத்தில் பிரம்மாண்டமாக உருவாகியுள்ள இந்தப்படத்தினை ஷாருக்கானின் ரெட் சில்லீஸ் நிறுவனம் தயாரித்துள்ளது.
இந்நிலையில் ‘ஜவான்’ படம் குறித்து வெளியாகியுள்ள லேட்டஸ்ட் தகவல் சோஷியல் மீடியாவில் வைரலாகி வருகிறது. அதன்படி இந்தப்படத்தின் ஸ்டண்ட் மாஸ்டர் யானிக் பென் என்பவர் அளித்துள்ள பேட்டி ஒன்றில், ‘ஜவான்’ படத்தில் ஷாருக்கானும், விஜய்யும் சண்டைக்காட்சி ஒன்றில் இணைந்து நடித்துள்ளதாகவும், இந்தக்காட்சி நிச்சயம் ரசிகர்களுக்கு மிகப்பெரிய ட்ரீட்டாக இருக்கும் என தெரிவித்தார்.
Jailer: ‘ஜெயிலர்’ புதிய போஸ்டர் மூலம் கன்பார்மான விஷயம்: படம் இப்படித்தான் இருக்க போகுது.!
அதன்பின்னர் சுதாரித்த அவர், தான் விஜய் சேதுபதியை கூறியதாக விளக்கம் அளித்துள்ளார். தளபதி விஜய் நடித்துள்ளாரா என்ற கேள்விக்கு அதுப்பற்றி கூற முடியாது எனவும் தெரிவித்துள்ளார். அவரின் இந்த பேட்டியால் விஜய் ‘ஜவான்’ படத்தில் நடித்துள்ளாரா என்ற எதிர்பார்ப்பு ரசிகர்கள் மத்தியில் எழுந்துள்ளது. இந்தப்படம் துவங்கியதில் இருந்து ஜவானில் விஜய் சிறப்பு தோற்றத்தில் நடிப்பதாக பல்வேறு தகவல்கள் வெளியாகி வருகின்றன.
‘ஜவான்’ படத்தில் ஷாருக்கானுக்கு வில்லனாக விஜய் சேதுபதி நடித்துள்ளார். மேலும் விஜய் சேதுபதி, தீபிகா படுகோனே, பிரியாமணி, யோகி பாபு உள்ளிட்ட பலர் இந்தப்படத்தில் நடித்துள்ளனர். இந்தப்படம் மூலமாக பாலிவுட் சினிமாவில் இசையமைப்பாளராக அறிமுகமாகியுள்ளார். தமிழ், இந்தி, தெலுங்கு மொழிகளில் பான் இந்திய படமாக உருவாகியுள்ள ‘ஜவான்’ வரும் செப்டம்பர் 7 ஆம் தேதி ரிலீசாகவுள்ளது குறிப்பிடத்தக்கது.
‘விடுதலை 2’ படத்தில் விஜய் சேதுபதி ஜோடியாகும் ‘அசுரன்’ நடிகை: வெற்றிமாறன் அதிரடி.!