எதிர்பார்ப்பில் ஜெயிலர்நாளுக்கு நாள் ரஜினியின் ஜெயிலர் படத்திற்கு எதிர்பார்ப்பு அதிகரித்த வண்ணம் இருக்கின்றது. நெல்சனின் இயக்கத்தில் ரஜினி நடிப்பில் உருவான ஜெயிலர் படத்தை சன் பிக்சர்ஸ் தயாரிக்க அனிருத் இப்படத்திற்கு இசையமைத்துள்ளார். தற்போது இப்படத்தின் படப்பிடிப்பு எல்லாம் முடிவடைந்து ரிலீசுக்கு தயாராகவுள்ளது. அந்த வகையில் ஆகஸ்ட் மாதம் 10 ஆம் தேதி வெளியாகும் ஜெயிலர் படத்திற்கு ரசிகர்கள் மத்தியில் மிகப்பெரிய எதிர்பார்ப்பு நிலவி வருகின்றது. அதற்கு ஏற்றாற்போல படக்குழுவும் படத்திற்கு ப்ரோமோஷன் செய்து வருகின்றனர். இந்நிலையில் மிகப்பெரிய எதிர்பார்ப்பில் வெளியாகும் ஜெயிலர் திரைப்படம் வசூலில் சாதனை படைக்கும் என்றே எதிர்பார்க்கப்படுகின்றது
மல்டி ஸ்டாரர்கமல்ஹாசனின் விக்ரம் படத்தை போல ஜெயிலர் திரைப்படமும் மல்டி ஸ்டாரர் படமாக உருவாகியுள்ளது. பொதுவாக ரஜினி மல்டி ஸ்டாரர் படங்களில் நடிக்கமாட்டார் என்றாலும் தற்போது ட்ரெண்டிற்கு ஏற்ப ஜெயிலர் படத்தில் மல்டி ஸ்டாரர் படத்தில் நடித்துள்ளார் ரஜினி. மோகன்லால், ஷிவ்ராஜ்குமார், ஜாக்கி ஷாரூப் என மிகப்பெரிய நட்சத்திர பட்டாளமே ஜெயிலர் படத்தில் நடித்துள்ளனர். இதன் காரணமாக தற்போது ஜெயிலர் திரைப்படம் ஒரு பான் இந்திய படமாக உருவெடுத்துள்ளது. எனவே தமிழில் மட்டுமல்லாமல் பல மொழிகளிலும் ஜெயிலர் படத்திற்கு மவுசு இருந்து வருகின்றது. இந்நிலையில் லோகேஷ் கனகராஜ் இயக்கத்தில் கமல் நடிப்பில் கடந்தாண்டு வெளியான விக்ரம் படத்தை போல ரஜினியின் ஜெயிலர் திரைப்படமும் மிகப்பெரிய வெற்றியை பெரும் என்றே எதிர்பார்க்கப்படுகின்றது
இசை வெளியீட்டு விழாஜெயிலர் படத்தில் இருந்து காவாலா, ஹுக்கும், ஜுஜுபி ஆகிய பாடல்கள் வெளியான நிலையில் சில தினங்களுக்கு முன்பு இப்படத்தின் இசை வெளியீட்டு விழா சென்னையில் நடைபெற்றது. இவ்விழாவில் பேசிய ரஜினி படத்தை பற்றி பல சுவாரஸ்யமான விஷயங்களை பகிர்ந்துகொண்டார். இது இப்படத்தின் மீதான எதிர்பார்ப்பை மேலும் பலமடங்கு உயர்த்தியது. இதையடுத்து இப்படத்தின் பாடல்களும் ரசிகர்களின் அமோகமான வரவேற்பை பெற்று வரும் நிலையில் ஜெயிலர் படத்திற்கான முன்பதிவு அயல்நாட்டில் மாஸ் காட்டி வருகின்றது. எனவே ஜெயிலர் இசை வெளியீட்டு விழாவின் மூலம் படத்தின் எதிர்பார்ப்பை பலமடங்கு படக்குழு உயர்த்தியுள்ளது என்பது குறிப்பிடத்தக்கது
ட்ரைலர்இந்நிலையில் ஜெயிலர் படத்தின் இசை வெளியீட்டு விழாவின் போதே இப்படத்தின் டீசர் அல்லது ட்ரைலர் வெளியிடப்படும் என ரசிகர்கள் எதிர்பார்த்தனர். ஆனால் இதைப்பற்றி எந்த ஒரு அறிவிப்பும் வெளியாகவில்லை. எனவே ரசிகர்கள் சற்று ஏமாற்றத்தில் இருந்தனர். இதையடுத்து தற்போது ஜெயிலர் படத்தின் ட்ரைலர் பற்றிய ஒரு தகவல் வெளியாகியுள்ளது. அதாவது ஜெயிலர் படத்தின் ட்ரைலர் ஆகஸ்ட் 3 ஆம் தேதி வெளியாகும் என எதிர்பார்க்கப்படுகின்றது. படம் வெளியாக ஒரு வாரம் இருக்கையில் ட்ரைலரை வெளியிட்டால் அது படத்திற்கு கூடுதல் பலமாக இருக்கும் என கணித்த படக்குழு ஆகஸ்ட் 3 ஆம் தேதி ஜெயிலர் ட்ரைலரை வெளியிட இருக்கின்றது. ஆனால் இதைப்பற்றி படக்குழு இன்னும் அதிகாரபூர்வமாக அறிவிக்கவில்லை. விரைவில் இதனைப்பற்றிய அறிவிப்பு வெளியாகும் என எதிர்பார்க்கப்படுகின்றது என்பது குறிப்பிடத்தக்கது