ரஜினியின் நடிப்பில் நெல்சனின் இயக்கத்தில் உருவான ஜெயிலர் திரைப்படம் இன்னும் சில தினங்களில் திரையில் வெளியாகவுள்ளது. அனிருத்தின் இசையில் சன் பிக்சர்ஸ் தயாரிப்பில் உருவான இப்படம் ரசிகர்கள் மத்தியில் மிகப்பெரிய எதிர்பார்ப்பை ஏற்படுத்தியுள்ளது.
மோகன்லால், ஷிவ்ராஜ்குமார், ஜாக்கி ஷாரூப் என இந்திய திரையுலகில் இருக்கும் முன்னணி நடிகர்கள் இப்படத்தில் நடித்துள்ளதால் ஜெயிலர் ஒரு பான் இந்திய படமாக உருவெடுத்துள்ளது. மேலும் இப்படத்தில் இருந்து வெளியான பாடல்கள் பட்டிதொட்டி எங்கும் ஹிட்டடித்தது. காவாலா, ஹுக்கும், ஜுஜுபி ஆகிய பாடல்கள் ரசிகர்கள் மத்தியில் மிகப்பெரிய வரவேற்பை பெற்றுள்ளது.
ஜெயிலர் முன்பதிவு
குறிப்பாக ஹுக்கும் பாடலில் இடம்பெற்ற வரிகள் பெரும் சலசலப்பை ஏற்படுத்தி உள்ளது. இந்நிலையில் கடந்த வாரம் ஜெயிலர் படத்தின் இசை வெளியீட்டு விழா சென்னையில் மிகப்பிரமாண்டமான முறையில் நடைபெற்றது. இதில் ரஜினி படத்தை பற்றியும் நெல்சனை பற்றியும் பல விஷயங்களை பேசினார். இதெல்லாம் படத்தின் மீதான ஹைப்பை மேலும் அதிகரித்துள்ளது.
Leo: லியோ ஆடியோ லான்ச்..வேற லெவலில் யோசிக்கும் தளபதி..வித்யாசமான முடிவா இருக்கே ?
இதையடுத்து தற்போது ஜெயிலர் திரைப்படம் வெளியாக இன்னும் ஒரு சில நாட்களே இருக்கும் நிலையில் தற்போது இப்படத்தின் முன்பதிவு துவங்கியுள்ளது. முன்பதிவு துவங்கிய ஒரு சில மணி நேரங்களிலேயே டிக்கெட்கள் விற்று தீர்ந்துவிட்டது. தமிழ்நாட்டில் மட்டுமல்லாமல் அயல்நாடுகளிலும் ஜெயிலர் படத்தின் முன்பதிவு அமோகமாக இருக்கின்றது.
சாதனை படைக்கும் தலைவர்
மேலும் சென்னையில் ஜெயிலர் படத்தின் டிக்கெட்ற்கு மிகப்பெரிய தட்டுப்பாடு இருக்கும் என்று பேசப்பட்டு வருகின்றது. என்னதான் இப்படம் சோலோவாக வெளியானாலும் படத்தின் மீது இருக்கும் ஹைப்பின் காரணமாக டிக்கெட் தட்டுப்பாடு ஏற்பட்டுள்ளதாம். மேலும் படத்தை பற்றி பாசிட்டிவான டாக் இருந்து வருவதும் படத்தின் முன்பதிவு அமோகமாக இருக்க ஒரு காரணம் என்கின்றனர்.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
இந்நிலையில் ஜெயிலர் திரைப்படம் ரசிகர்களின் எதிர்பார்ப்பை பூர்த்தி செய்துவிட்டால் இப்படம் மிகப்பெரிய வசூல் சாதனையை படைப்பது உறுதி என்கின்றனர். சமீபகாலமாக ரஜினியின் படங்கள் சொல்லிக்கொள்ளும் அளவிற்கு வெற்றிபெறவில்லை. நெல்சனுக்கும் முந்தைய படமான பீஸ்ட் சரியாக போகவில்லை. எனவே இப்படம் இவர்கள் இருவருக்கும் எதிர்பார்த்த வெற்றியை கொடுத்து மீண்டும் வெற்றி பாதைக்கு அழைத்து வரும் என அனைவராலும் எதிர்பார்க்கப்படுகின்றது என்பது குறிப்பிடத்தக்கது.