விஜய்யை தற்போது அவரின் படங்களின் இசை வெளியீட்டின் போது தான் மேடையில் பார்க்கமுடிகிறது. அதை தவிர மற்ற நிகழ்ச்சிகளில் அவ்வளவாக விஜய்யை ரசிகர்களால் பார்க்கமுடியவில்லை. ஆனால் முன்பெல்லாம் இவ்வாறு இல்லை. விஜய் பல நிகழ்ச்சிகளிலும், பேட்டிகளிலும் கலந்துகொண்டுள்ளார். அதனை பார்க்கும்போது, நம்ப தளபதியா இது என ரசிகர்கள் ஆச்சர்யப்பட்டு வருகின்றனர். அந்த அளவிற்கு விஜய் சில பேட்டிகளில் கலகலவென பேசியுள்ளார். அந்த வகையில் தற்போது ஒரு லைவ் நிகழ்ச்சியில் விஜய்யும் அவரது மகள் ஷாஷாவும் பேசிய வீடியோ தான் இணையத்தில் செம வைரலாகி வருகின்றது.
விஜய்யின் நடிப்பில் பாபு சிவன் இயக்கத்தில் வெளியான திரைப்படம் தான் வேட்டைக்காரன். இப்படத்தை சன் பிக்சர்ஸ் தயாரித்திருந்தது. கடந்த 2009 ஆம் ஆண்டு வெளியான இப்படம் ரசிகர்களை ஈர்த்து விஜய்க்கு ஒரு வெற்றிப்படமாக அமைந்தது. மேலும் விஜய் ஆண்டனியின் இசையில் வெளியான அனைத்து பாடல்களும் பட்டிதொட்டி எங்கும் ஹிட்டடித்தது.
கியூட்டாக பேசிய ஷாஷா
இந்நிலையில் இப்படம் வெளியானபோது விஜய் சன் டிவியில் ஒளிபரப்பான ஒரு லைவ் ஷோவில் கலந்துகொண்டார். அந்த லைவ் ஷோவில் ரசிகர்கள் விஜய்யிடம் போனில் உரையாடி வந்தனர். அப்போது விஜய்யின் மகளான ஷாஷா விஜய்யுடன் போனில் பேசினார். திடீரென தன் மகளின் போன் காலை எதிர்பார்க்காத விஜய், மகளின் குரலை கேட்டதும் மகிழ்ச்சியானார்.
கிரிக்கெட் போட்டியின்போது ஜெயிலர் படத்தை பற்றி பேசிய வர்ணனையாளர்கள்..என்ன சொன்னார்கள் தெரியுமா ?
போனை எடுத்ததும் விஜய்யின் மகள் ஷாஷா, டாடி எப்போ வீட்டிற்கு வரீங்க என கேட்டார். அதற்கு விஜய் சிரித்துக்கொண்டே, இந்த நிகழ்ச்சி முடிந்ததும் வரேன் என்றார். மேலும் வேட்டைக்காரன் படத்தில் இருந்து உனக்கு பிடித்த பாட்டை பாடு என விஜய் கேட்டததற்கு அவரது மகளும், என் உச்சி மண்டைல என்ற பாடலை பாடினார்.
View this post on InstagramA post shared by Actor Vijay (@actorvijayoffi)
செம கியூட்டாக இருந்த அந்த வீடியோ தற்போது இணையத்தில் படு வைரலாகி வருகின்றது. இந்நிலையில் இந்த வீடியோவை பார்த்த ரசிகர்கள் அனைவரும் செம கியூட்டாக வீடியோ இருப்பதாக கமன்ட் செய்து வருகின்றனர். மேலும் சிலர் இதுபோல தற்போது விஜய் நிகழ்ச்சிகளில் கலந்துகொண்டால் எப்படி இருக்கும் என யோசித்து வருகின்றனர். இதையடுத்து வேட்டைக்காரன் படத்தில் தன் மகனுடன் ஒரு பாடலுக்கு நடனமாடிய விஜய், தெறி படத்தில் தன் மகளுடன் ஒரு காட்சியில் வருவார் என்பது குறிப்பிடத்தக்கது.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்