லோகேஷ் கனகராஜ் இயக்கத்தில் லியோ படத்தில் நடித்து முடித்திருக்கிறார் விஜய். இதையடுத்து வெங்கட் பிரபு இயக்கத்தில் நடிக்கிறார். அந்த படத்தை தற்போதைக்கு தளபதி 68 என்று அழைக்கிறார்கள்.
ஜெயிலர் இன்னும் பாக்கல, ஆனால்.. Vijay Devarkonda..
தளபதி 68 படத்தில் இரட்டை வேடங்களில் நடிக்கிறாராம் விஜய். ஒரு விஜய்க்கு ஜோடியாக ஜோதிகா நடிப்பார் என்று கூறப்படுகிறது. இந்நிலையில் இன்னொரு விஜய்க்கு ஜோடியாக நயன்தாரா அல்லது சமந்தா அல்லது கீர்த்தி சுரேஷ் நடிப்பார் என தகவல் வெளியானது.
அண்மைச் செய்திகளை உடனுக்குடன் படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இது குறித்து வெங்கட் பிரபுவிடமே கேட்கப்பட்டது. என் படத்தின் ஹீரோயின் நயன்தாரா, கீர்த்தி சுரேஷ், சமந்தா இல்லை என்றார். விஜய்க்கு ஜோடியாக இதுவரை அவருடன் சேர்ந்து நடிக்காத ஒருவரை நடிக்க வைக்க விரும்புகிறார் வெங்கட் பிரபு. இந்நிலையில் தான் அந்த ஹீரோயின் வாய்ப்பு ப்ரியங்கா அருள்மோகனுக்கு கிடைத்திருக்கிறது.
முன்னதாக தளபதி 68 படம் குறித்த அறிவிப்பை குறுக்கெழுத்து போட்டி தாளில் வெளியிட்டார்கள். அந்த தாளில் இருந்து புது விஷயங்களை கண்டுபிடித்திருக்கிறார்கள் ரசிகர்கள்.
அதில் விஜய், வெங்கட் பிரபு, யுவன் பெயர் மட்டும் இல்லை எஸ்டிஆர், எஸ்.கே., என்டிஆர் ஆகியோரின் பெயர்களும் இருக்கிறது. அப்படி என்றால் தளபதி 68 படத்தில் அவர்களும் நடிக்கிறார்களா, ரஜினியின் ஜெயிலர் போன்று இதில் அவர்கள் கவுரவத் தோற்றத்தில் வருவார்களா என ரசிகர்கள் கேள்வி எழுப்பி வருகிறார்கள்.
தளபதி 68 படத்தை ஏஜிஎஸ் என்டர்டெயின்மென்ட் நிறுவனம் தயாரிக்கிறது. அந்த நிறுவனம் தயாரித்த படங்களிலேயே தளபதி 68 தான் அதிக பொருட்செலவில் உருவாகவிருக்கிறது. வழக்கமாக தான் நடிக்கும் பட வேலை முடியாமல் அடுத்த படம் குறித்து அறிவிப்பதை விரும்ப மாட்டார் விஜய்.
Vijay: சேச்சே, விஜய்க்காக சூர்யா அப்படி செய்யவே மாட்டார்
அப்படி இருக்கும்போது லியோ பட ஷூட்டிங் நடந்து கொண்டிருந்தபோதே தளபதி 68 குறித்து அதிகாரப்பூர்வ அறிவிப்பு வெளியிடப்பட்டது. விஜய் தன் வழக்கத்தை மாற்றிக் கொண்டிருக்கிறார்.
லியோ படம் அக்டோபர் 19ம் தேதி ரிலீஸாகவிருக்கிறது. ஆனால் ரசிகர்களோ தற்போது தளபதி 68 படம் பற்றி பேச ஆரம்பிவித்துவிட்டார்கள். அதனால் #Thalapathy68 என்கிற ஹேஷ்டேக் ட்விட்டரில் தேசிய அளவில் டிரெண்டாகி வருகிறது.
அரசியல் ஆக்ஷன் த்ரில்லராக உருவாகவிருக்கிறதாம் தளபதி 68. அந்த படத்திற்கான லுக் டெஸ்ட் அடுத்த வாரம் லண்டனில் நடக்கவிருக்கிறது.
ப்ரீ ப்ரொடக்ஷன் பணிகளை வெங்கட் பிரபு இன்னும் முடிக்கவில்லை. இதனால் நவம்பர் மாதம் தான் படப்பிடிப்பு துவங்குமாம். பிற நடிகர்கள், நடிகைகள் தேர்வு தற்போது நடந்து வருகிறது.
யோகிகள் காலில் விழுவது என் வழக்கம், அதை தான் செய்தேன்: ரஜினி
தளபதி 68 படத்தில் வயதான மற்றும் இளம் கதாபாத்திரங்களில் நடிக்கிறார் விஜய். வயதான விஜய்க்கு ஜோடியாக ஜோதிகாவும், இளம் விஜய்க்கு ஜோடியாக ப்ரியங்கா அருள்மோகனும் நடிக்கிறார்களாம்.
விஜய், ஜோதிகா ஜோடி சூப்பர் ஹிட் ஜோடியாகும். முன்னதாக அவர்கள் சேர்ந்து நடித்த குஷி, திருமலை ஆகிய படங்கள் சூப்பர் ஹிட்டாகின. அதே போன்று தளபதி 68 படமும் சூப்பர் ஹிட்டாகும் என தற்போதே பேசப்படுகிறது.