விஜய்யின் லியோ திரைப்படத்தில் இருந்து நா ரெடி என்ற ஒரு பாடல் மட்டுமே இதுவரை வெளியாகியுள்ளது. விஜய்யின் பிறந்தநாளை முன்னிட்டு வெளியான இப்பாடல் ரசிகர்கள் மத்தியில் மிகப்பெரிய வரவேற்பை பெற்றது. மேலும் விஜய்யே இப்பாடலை பாடியது தனி சிறப்பாக பார்க்கப்படுகின்றது.
இதையடுத்து லியோ படத்தில் இருந்து இரண்டாவது பாடல் எப்போது வெளியாகும் என கேட்டதற்கு, இது வழக்கமான கமர்ஷியல் படமாக இருக்காது, கைதி போல வித்யாசமான படமாக இருக்கும். எனவே இப்படத்தில் இருந்து முதல் பாடல், இரண்டாம் பாடல் என்றெல்லாம் இருக்காது என கூறினார் ,லோகேஷ் கனகராஜ்.
லியோ இசை வெளியீட்டு விழா
இதைத்தொடர்ந்து ரசிகர்கள் அனைவரும் லியோ படத்தில் நா ரெடி என்ற ஒரு பாடல் தான் இருப்பதாகவும் மற்றதெல்லாம் பின்னணி இசை தான் எனவும் பேசி வந்தனர். ஆனால் இப்படத்தில் இரண்டு முதல் மூன்று பாடல்கள் வரை இருக்கும் என எதிர்பார்க்கப்படுகின்றது.
விஜய் நடிப்பில் வெளியான மல்டி ஸ்டாரர் படங்கள்..இப்படி ஒரு ஒற்றுமை இருக்கா ?
இந்நிலையில் லியோ படத்திற்க்கு அனைவரும் எதிர்பார்ப்போடு இருப்பதை போல லியோ இசை வெளியீட்டிற்காகவும் அனைவரும் ஆவலாக எதிர்பார்த்து இருக்கின்றனர். இவ்விழாவில் விஜய் என்ன பேசப்போகின்றார் என்பதை கேட்க அனைவரும் ஆர்வமாக இருந்து வருகின்றனர். குறிப்பாக அரசியல் பற்றியும், சூப்பர்ஸ்டார் பஞ்சாயத்தை பற்றியும் விஜய் பேசுவார் என எதிர்பார்க்கப்படுகின்றது.
தளபதி எடுத்த முடிவு
அப்படிப்பட்ட எதிர்பார்ப்பு மிக்க லியோ இசை வெளியீட்டு விழா எங்கே எப்போது நடக்கும் என்பது தான் அனைவரது கேள்வியாகவும் இருக்கின்றது. இந்நிலையில் தற்போது இந்த கேள்விக்கு விடை கிடைத்துள்ளது. அதாவது கடந்த சில நாட்களாகவே லியோ இசை வெளியீட்டு விழா மலேசியாவில் தான் நடக்க இருப்பதாக பேசப்பட்டு வந்தது. ஆனால் தற்போது வந்த தகவலின் படி லியோ இசை வெளியீட்டு விழா அக்டோபர் முதல் வாரத்தில் சென்னை நேரு ஸ்டேடியத்தில் தான் நடைபெறும் என தகவல்கள் வருகின்றன.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
முதலில் லியோ இசை வெளியீட்டு விழா மதுரை அல்லது கோவையில் நடப்பதாக பேசப்பட்டது. பின்பு மலேசியாவில் நடக்க இருப்பதாக தகவல்கள் வந்தது. இதைத்தொடர்ந்து தற்போது ஒரு வழியாக லியோ இசை வெளியீட்டு விழாவை சென்னையிலேயே நடத்த படக்குழு முடிவெடுத்துள்ளதாம். தளபதியும் இதற்கு ஓகே தெரிவித்துள்ளாராம். எனவே அநேகமாக அக்டோபர் ஐந்தாம் தேதி சென்னை நேரு ஸ்டேடியத்தில் லியோ இசை வெளியீட்டு விழா நடைபெறும் என்பது குறிப்பிடத்தக்கது.