எதிர்பார்ப்புலோகேஷ் கனகராஜின் இயக்கத்தில் விஜய்யின் நடிப்பில் உருவாகும் லியோ திரைப்படத்திற்கு உச்சகட்ட எதிர்பார்ப்பு இருந்து வருகின்றது. லலித் தயாரிப்பில் அனிருத்தின் இசையில் மிகப்பிரமாண்டமாக தயாராகும் லியோ திரைப்படம் அக்டோபர் மாதம் 19 ஆம் தேதி திரையில் வெளியாகவுள்ளது. இதையடுத்து இப்படத்தின் அதிகாரபூர்வ அறிவிப்பு வெளியான ஒரே நாளில் இப்படத்தின் டிஜிட்டல் மற்றும் இதர உரிமைகளை வாங்க கடுமையான போட்டி நிலவியது.. இறுதியில் இப்படத்தின் படப்பிடிப்பு துவங்கும் முன்பே இப்படம் பல கோடி வசூலித்துள்ளதாக தகவல்கள் வருகின்றன. அந்த அளவிற்கு இப்படம் எதிர்பார்ப்பை ஏற்படுத்தியுள்ளது
விஜய்யின் ரோல் என்ன ?லியோ படத்தில் இருந்து வெளியான நா ரெடி பாடலின் போஸ்டரிலேயே alter ego என குறிப்பிட்டிருந்தனர். அப்படி என்றால், ஒருவர் தன் அடையாளத்தை மறைத்து வேறொருவராக வாழ்ந்து வருகின்றார் என்பது தான் அர்த்தமாம். இதைத்தொடர்ந்து இப்படத்தில் விஜய் தான் பெரிய டான் என்பதை மறைத்து வேறொரு சாதாரண ஆளாக சாக்லேட் பேக்டரி நடத்தி வருபவராக லியோ படத்தில் இருப்பார் என ரசிகர்களால் கணிக்கப்பட்டு வருகின்றது. கிட்டத்தட்ட ரஜினியின் பாட்ஷா பட பாணியில் விஜய்யின் லியோ செம மாஸாக இருக்கும் என்பதே பலரது எதிர்பார்ப்பாக இருக்கின்றது
சர்ப்ரைஸ்லியோ படம் LCU வா ? இல்லையா ? என்பது தான் பலரது கேள்வியாக இருந்து வருகின்றது. அதற்கு விடை படம் வெளியான பிறகு தான் தெரியவரும் என்றாலும் லியோ படத்திலிருந்து வெளியான கிலிம்ப்ஸ் வீடியோவை வைத்து ரசிகர்கள் டீகோட் செய்து வருகின்றனர். அந்த வகையில் பலரும் லியோ கண்டிப்பாக LCU படமாகத்தான் இருக்கும் என கணித்து வருகின்றனர். இந்நிலையில் லியோ படத்தின் கிளைமாக்ஸ் காட்சி மற்றும் இன்டெர்வல் காட்சி செம மாஸாக இருக்கும் என இப்படத்தில் நடித்த ஒரு சில நடிகர்கள் பேட்டிகளில் கூறி வருகின்றனர். குறிப்பாக லியோ படத்தின் கிளைமாக்ஸ் காட்சியில் செம ட்விஸ்ட் ஒன்று இருக்கும் என்றும், படத்தில் LCU வை தாண்டி பல சர்ப்ரைஸ்களை லோகேஷ் வைத்துள்ளார் என்றும் தகவல்கள் வருகின்றன
லியோ பற்றி லலித்இந்நிலையில் லியோ படத்தின் தயாரிப்பாளர் லலித் சமீபத்தில் ஊடகத்திற்கு பேட்டி ஒன்று கொடுத்துள்ளார். அந்த பேட்டியில் அவர் லியோ பற்றி பல விஷயங்களை பேசியுள்ளார். அவர் கூறியதாவது, லியோ திரைப்படத்தின் இன்டெர்வல் காட்சி செம மாஸாக இருக்கும். அந்த காட்சி மட்டும் எட்டு நிமிடங்கள் இடம்பெறும் என கூறினார்.. மேலும் லியோ படத்தின் வசூலை பீட் செய்வது ரொம்ப கஷ்டமாக இருக்கும். எந்த படம் அதனை செய்யும் என சொல்லமுடியவில்லை. மேலும் லியோ விஜய்யின் திரைவாழ்க்கையிலேயே சிறந்த படங்களில் ஒன்றாக இருக்கும் என பேசியுள்ளார் லலித்.ஒரு தயாரிப்பாளர் படத்தின் வெளியீட்டிற்கு முன்பே இவ்வாறு நம்பிக்கையாக பேசுவது லியோ படத்தின் மீதான எதிர்பார்ப்பை மேலும் அதிகரித்துள்ளது என்பது குறிப்பிடத்தக்கது