அண்மையில் வெளியான ‘மாவீரன்’ படத்தால் பிரம்மாண்ட வெற்றியை சுவைத்த சிவகார்த்திகேயன், தற்போது ‘எஸ்கே 21’ படத்தில் நடித்து வருகிறார். உலக நாயகனின் ராஜ் கமல் பிலிம்ஸ் நிறுவனம் தயாரிக்கும் இந்தப்படத்தை ராஜ்குமார் பெரியசாமி இயக்குகிறார். இதன் முதல்கட்ட படப்பிடிப்பு காஷ்மீரில் ஆரம்பித்தது.
தமிழ் சினிமாவில் முன்னணி நடிகராக வலம் வருகிறார் சிவகார்த்திகேயன். டான்ஸ், மிமிக்ரி, தொகுப்பாளர் என சின்னத்திரையில் கலக்கி வந்த இவர், தற்போது வெள்ளித்திரையில் கலக்கி வருகிறார். இவர் நடிப்பில் அண்மையில் ‘மாவீரன்’ படம் வெளியானது. மடோன் அஸ்வின் இயக்கத்தில் அதிதி ஷங்கர், மிஷ்கின், சரிதா, யோகி பாபு உள்ளிட்டோர் நடிப்பில் இந்தப்படம் வெளியானது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
கடந்த ஜுலை 14 ஆம் தேதி ரிலீசான இந்தப்படம் ரசிகர்களிடையே நல்ல வரவேற்பை பெற்றது. ‘பிரின்ஸ்’ பட தோல்வியில் இருந்து சிவகார்த்திகேயனை ‘மாவீரன்’ படம் மீட்டெடுத்தது. இந்தப்படத்திற்கு ஹைலைட்டாக சம்பளமே வாங்காமல் விஜய் சேதுபதி குரல் கொடுத்தார். மண்டேலா இயக்குனர் மடோன் அஸ்வின், சிவகார்த்திகேயன், விஜய் சேதுபதி என தரமான கூட்டணியுடன் வெளியான ‘மாவீரன்’ வசூல் சாதனை படைத்தது.
இதனையடுத்து சிவகார்த்திகேயன் தற்போது உலக நாயகனின் ராஜ் கமல் பிலிம்ஸ் நிறுவனம் தயாரிக்கும் ‘எஸ்கே 21’ படத்தில் நடித்து வருகிறார். இந்தப்படத்திற்கு எஸ்கே இராணுவ வீரராக நடிக்கிறார். சாய் பல்லவி ஹீரோயினாக நடிக்கும் இந்தப்படத்தின் முதல்கட்ட படப்பிடிப்பிற்காக காஷ்மீர் பறந்தனர் படக்குழுவினர். அங்கு முழு வீச்சில் படப்பிடிப்பு நடந்தது.
Sivakarthikeyan: மீண்டும் அதிரடியில் இறங்கிய சிவகார்த்திகேயன்: ரசிகர்களுக்கு ஒரு குட் நியூஸ்..!
இந்நிலையில் ‘எஸ்கே 21’ படம் குறித்த புதிய அப்டேட்டை படக்குழு தற்போது வெளியிட்டுள்ளது. அதன்படி காஷ்மீரில் 75 நாட்கள் தொடர்ந்து நடைபெற்ற ‘எஸ்கே 21’ முதல்கட்ட படப்பிடிப்பு தற்போது நிறைவடைந்துள்ளது. இதனை புகைப்படங்களுடன் படக்குழு அதிகாரப்பூர்வமாக அறிவித்துள்ளது. இதனையடுத்து அடுத்தக்கட்ட படப்பிடிப்பை இந்தியாவின் வேறு சில மாநிலங்களிலும், சென்னையிலும் நடத்த படக்குழுவினர் திட்டமிட்டுள்ளனர்.
‘எஸ்கே 21’ பட லுக் வெளியில் தெரியாமல் இருக்க சமீப காலமாக குல்லாவுடனே வலம் வந்தார் சிவகார்த்திகேயன். இதனையடுத்து தற்போது வெளியாகியுள்ள புகைப்படத்தில் குல்லா எதுவும் இல்லாமல் இராணுவ வீரர் லுக்கில் இருக்கிறார் சிவகார்த்திகேயன். இதனை இணையத்தில் வைரலாக்கி வருகின்றனர் ரசிகர்கள். ‘மாவீரன்’ படத்தின் வெற்றியை தொடர்ந்து சிவகார்த்திகேயன் நடிப்பில் உருவாகும் படம் என்பதால் ரசிகர்களிடையே ‘எஸ்கே 21’ படத்திற்கு அதிக எதிர்பார்ப்பு நிலவி வருவது குறிப்பிடத்தக்கது.
Sivakarthikeyan: விஜய் பாணியை கையிலெடுக்கும் எஸ்கே: தரமான சம்பவம் லோடிங்..!