விஜய் தற்போது லோகேஷ் கனகராஜ் இயக்கத்தில் லியோ படத்தில் நடித்து முடித்துள்ளார். இப்படத்தின் போஸ்ட் ப்ரொடக்ஷன் வேலைகள் தற்போது விறுவிறுப்பாக போய்க்கொண்டிருக்கிறது. இதையடுத்து விஜய் தற்போது வெங்கட் பிரபு இயக்கத்தில் உருவாக இருக்கும் தளபதி 68 பட வேலைகளை துவங்கியுள்ளார்.
வெங்கட் பிரபுவின் இயக்கத்தில் விஜய் நடிப்பதாக கடந்த மே மாதமே அதிகாரபூர்வ அறிவிப்பு வெளியானது. மேலும் இப்படத்தை AGS நிறுவனம் தயாரிப்பதாகவும் யுவன் ஷங்கர் ராஜா இசையமைப்பதாகவும் அறிவிக்கப்பட்டது. இந்நிலையில் தற்போது இப்படத்தின் கதையை முழுமையாக தயார் செய்த வெங்கட் பிரபு அடுத்தகட்ட வேலைகளை விறுவிறுப்பாக துவங்கியுள்ளார்.
yuvan about thalapathy 68: தளபதி 68 ..தர லோக்கலா இருக்கும்..தரமான அப்டேட் கொடுத்த யுவன் ஷங்கர் ராஜா..!
அந்த வகையில் தளபதி 68 படத்திற்கான லுக் டெஸ்ட் வேலைகள் லாஸ் ஏஞ்சல்ஸ் நகரில் துவங்கியுள்ளது. விஜய் உட்பட வெங்கட் பிரபு மற்றும் படக்குழுவினர் லுக் டெஸ்ட்டிற்காக லாஸ் அஞ்செல்ஸ் சென்றுள்ளனர். அங்கிருந்து ஒரு சில புகைப்படங்கள் வெளியாகி இணையத்தில் ட்ரெண்டாகி வருகின்றது.
இது ஒருபக்கம் இருக்க அவ்வப்போது விஜய்யின் ஒரு சில பழைய வீடியோக்கள் இணையத்தில் ரசிகர்கள் ட்ரெண்டாகி வருகின்றனர். விஜய் தற்போது தான் பேட்டிகளிலும், பொது நிகழ்ச்சிகளிலும் கலந்துகொள்ளாமல் இருந்து வருகின்றார். ஆனால் ஒரு பத்து ஆண்டுகளுக்கு முன்பு வரை விஜய் பல பேட்டிகளிலும், நிகழ்ச்சிகளிலும் கலந்துகொண்டுள்ளார். அதையெல்லாம் ரசிகர்கள் தற்போது ஷேர் செய்து வருகின்றனர்.
அந்த வகையில் விஜய் சிவகாசி படத்தின் வெளியீட்டின் போது பங்கேற்ற ஒரு நிகழ்ச்சியில் இடம்பெற்ற ஒரு வீடியோவை ரசிகர்கள் ஷேர் செய்துள்ளனர். அந்த வீடியோவில் விஜய் ரசிகர்களுக்காக நடுரோட்டில் சிலம்பம் சுற்றியுள்ளார். இதைப்பார்த்த ரசிகர்கள் பலர் விஜய் இவ்வளவு நன்றாக சிலம்பம் சுற்றுவாரா என ஆச்சர்யப்பட்டு வருகின்றனர்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
மேலும் ரசிகர்கள் கேட்டுக்கொண்டதற்காக விஜய் சிலம்பம் சுற்றியுள்ளார். இதைப்போல ரசிகர்களுக்காக பாடல்கள் பாடுவது, பன்ச் வசனங்கள் பேசுவது என விஜய் கலகலவென அந்நிகழ்ச்சியில் இருந்துள்ளார். கடத்த 2005 ஆம் ஆண்டு தீபாவளி சிறப்பு நிகழ்ச்சியாக இது டிவியில் ஒளிபரப்பப்பட்டுள்ளது. தற்போது இந்த வீடியோ தான் இணையத்தில் செம வைரலாக பரவி வருகின்றது என்பது குறிப்பிடத்தக்கது