ரஜினியின் ஜெயிலர் திரைப்படம் வசூலில் சக்கைபோடு போட்டு வருகின்றது. நெல்சனின் இயக்கத்தில் ரஜினியின் நடிப்பில் கடந்த ஆகஸ்ட் 10 ஆம் தேதி ஜெயிலர் திரைப்படம் வெளியானது. சன் பிக்சர்ஸ் தயாரிப்பில் அனிருத்தின் இசையில் உருவான இப்படத்தில் ஷிவ்ராஜ்குமார், மோகன்லால், ஜாக்கி ஷாரூப் என இந்திய திரையுலகில் இருக்கும் முன்னணி நடிகர்கள் பலர் சிறப்பு தோற்றத்தில் நடித்திருந்தனர்.
மிகுந்த எதிர்பார்ப்பில் வெளியான ஜெயிலர் திரைப்படம் ரசிகர்களின் எதிர்பார்ப்பை பூர்த்தி செய்து மிகப்பெரிய வெற்றியை பெற்றது. மேலும் வசூலிலும் சாதனை படைத்து வருகின்றது. இப்படம் வெளியான முதல் வாரத்திலேயே 375 கோடி வசூல் செய்து சாதனை படைத்த ஜெயிலர் தற்போது வசூலில் 600 கோடியை தாண்டி செல்கின்றது.
லியோ ஜெயிலர் வசூலை முறியடிக்காது
பல வசூல் சாதனைகளை முறியடித்து புது புது வசூல் சாதனைகளை செய்து வருகின்றது ஜெயிலர். இதன் காரணமாக தயாரிப்பாளர் கலாநிதிமாறன் உச்சகட்ட மகிழ்ச்சியில் இருக்கின்றார். அதன் வெளிப்பாடாக ரஜினிக்கும், நெல்சனுக்கும் பரிசுகளை வாரி வழங்கினார் கலாநிதிமாறன். இந்நிலையில் ஜெயிலர் வசூலில் சாதனை படைத்தும் வரும் நிலையில் அந்த சாதனையை விஜய்யின் லியோ திரைப்படம் முறியடிக்கும் என விஜய் ரசிகர்கள் எதிர்பார்த்து இருக்கின்றனர்.
லோகேஷ் கனகராஜ் இயக்கத்தில் விஜய்யின் நடிப்பில் மிகப்பெரிய எதிர்பார்ப்பில் உருவாகும் திரைப்படம் தான் லியோ. இப்படம் அக்டோபர் 19 ஆம் தேதி திரையில் வெளியாகும் நிலையில் கண்டிப்பாக இப்படம் ஆயிரம் கோடி வசூலிக்கும் என எதிர்பார்க்கப்பட்டு வருகின்றது. இந்த சமயத்தில் தான் பிரபல நடிகர் மீசை ராஜேந்திரன் கண்டிப்பாக ஜெயிலர் வசூலை லியோ திரைப்படத்தால் முறியடிக்க முடியாது என அடித்து கூறியுள்ளார்.
சமீபத்தில் ஒரு பேட்டியில் பேசிய மீசை ராஜேந்திரன், ஜெயிலர் வசூலில் அடித்து நொறுக்கி வருகின்றது. 2 .0 வசூல் சாதனையையே ஜெயிலர் முறியடித்துள்ளது. எனவே விஜய்யின் லியோ திரைப்படம் கண்டிப்பாக ஜெயிலர் வசூலை அடிக்காது. நான் ஒரு லட்சம் பந்தயம் வைக்கின்றேன் என அடித்து பேசினார் மீசை ராஜேந்திரன். இந்த வீடியோ தான் தற்போது வைரலாகி வருகின்றது. இது விஜய் ரசிகர்களை வெகுவாக சீண்டியுள்ளது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
ஏற்கனவே விஜய் தான் அடுத்த சூப்பர்ஸ்டார் என்று நிலவிய பேச்சால் ரஜினி மற்றும் விஜய் ரசிகர்கள் இடையே மோதல் வெடித்து வருகின்றது. இந்த சூழவில் மீசை ராஜேந்திரன் இப்படி பேசியது விஜய் ரசிகர்களை கோபத்தில் ஆழ்த்தியுள்ளது. இதையடுத்து லியோ வசூல் கண்டிப்பாக ஜெயிலர் வசூலை முந்தவேண்டும் என்பது தான் முதல் இலக்கு என விஜய் ரசிகர்கள் சிலர் பேசி வருகின்றனர் என்பது குறிப்பிடத்தக்கது.