வசூல் வேட்டையன்தமிழ் சினிமா மட்டுமல்லாது, இந்திய சினிமாவே திரும்பி பார்த்து வியக்கும் நடிகர் என்றால் அது சூப்பர்ஸ்டார் ரஜினிகாந்த் தான். சமீபத்தில் வெளியான ஜெயிலர் படத்திற்கு மாபெரும் வெற்றி கிடைத்துள்ளது. இதுவரை எந்த படமும் செய்யாத பல சாதனைகளை இந்த படம் செய்துள்ளது. அதுவும், தலைவர் சூப்பர்ஸ்டார் இவ்வளவு பெரிய ஹிட்டை கொடுத்து, தலைவரே நிரந்தரம் என சொல்ல வைத்துவிட்டார். அவரின் வெற்றி நின்னு பேசும் அளவிலான வெற்றியாகவே இருக்கிறது. இதற்கு முன் அவர் செய்த வசூல் வேட்டைகளைப் பற்றி பார்க்கலாமா ??
ராஜாதி ராஜாஇயக்குனர் ஆர். சுந்தரராஜன் இயக்கத்தில் சூப்பர் ஸ்டார் ரஜினிகாந்த் நடிப்பில் 1989ல் வெளியான திரைப்படம்தான் ராஜாதி ராஜா. இந்த படத்தில் டூயல் ரோலில் ரஜினிகாந்த் நடிக்க, நதியா மற்றும் ராதா ஜோடியாக நடித்திருப்பார்கள். 50 நாட்களுக்குள் இந்த கதை படமாக்கப்பட்டது. சினிமாவிற்கு வந்து பல படங்கள் நடித்த பின்னர், ரஜினிகாந்த் கொடுத்த பிளாக் பஸ்டர் படங்களுள் ராஜாதி ராஜா ஒன்று. 1980 முதல் 1990 வரை, வெளியான படங்களில் மிகப்பெரிய வெற்றி கண்ட படங்களுள் ராஜாதி ராஜா படமும் ஒன்று.
படையப்பாரஜினிகாந்த் நடிப்பில் இயக்குனர் K.S. ரவிக்குமார் இயக்கத்தில் மாபெரும் வரவேற்புடன் வெளியான திரைப்படம்தான் படையப்பா. இந்த படத்தில், நடிகர் திலகம் சிவாஜி கணேசன், சூப்பர் ஸ்டாரின் அப்பா கதாபாத்திரத்தில் நடித்திருப்பார். இந்த படத்தில், ரம்யா கிருஷ்ணன் பயங்கர வில்லியாக நடித்திருப்பார். ராஜாதி ராஜா படம் வெளியாகி சரியாக 10 வருடங்கள் கழித்து படையப்பா படம் வெளியானது. இந்த படமும் மாஸான வெற்றியை பெற்றது, உடன் பல விருதுகளை குவித்தது. இந்த படம் 100 நாட்களுக்கு தொடர்ந்து தியேட்டர்களில் திரையிடப்பட்டது. 1990 முதல் 2000 வரை வெளியான படங்களில் மாபெரும் வெற்றி பெற்ற படம் படையப்பா எனலாம். மேலும், அப்போதைய அதிக வசூல் செய்த படமாகவும் படையப்பா இருந்தது. இந்த படத்தை தெலுங்கில் டப்பிங் செய்து வெளியிட்டார்கள். அதுவும் மாபெரும் வெற்றி பெற்றது. வெற்றி படங்களுக்கான ட்ரென்ட் செட்டராக சூப்பர்ஸ்டார் ரஜினி ஆனார்.
எந்திரன்பிரம்மாண்ட இயக்குனர் ஷங்கர் இயக்கத்தில் சூப்பர் ஸ்டார் ரஜினிகாந்த் ஐஸ்வர்யா ராய் நடித்த ரோபோட் படம்தான் எந்திரன். இந்த படம், 2010ல் வெளியானது. பலவிதமான க்ராபிக்ஸ் காட்சி, பிரம்மாண்டம், தொழில்நுட்பம், ரோபோட் என புது விஷயங்களை தமிழ் ரசிகர்களுக்கு காட்டி இருப்பார்கள். அதுவரை,ஹாலிவுட் படங்கள் தான் இந்த மாதிரியான கதைக்களத்தில் உருவாகும் என்னும் எண்ணத்தை மாற்றிய திரைப்படம்தான் எந்திரன். இன்னும் சொல்லப்போனால், ஹாலிவுட் படங்களுக்கே இந்த படம் அப்போது சவால் விட்டது. ஹாலிவுட் ஸ்டைல் படத்தை ரசிகர்கள் விரும்பும் வகையில் எந்திரன் படம் அமைந்திருக்கும். சூப்பர்ஸ்டாரை நடிக்க வைத்து மாபெரும் ஹிட் கொடுத்தார் இயக்குனர் ஷங்கர். 2000 முதல் 2010 வரை வெளியான படங்களில் மாபெரும் ஹிட் கொடுத்தது இந்த படம். அதுமட்டுமல்லாமல், அதுவரை வெளியான சினிமாக்களிலேயே பெரிய வெற்றி கண்டது எந்திரன். கிட்டத்தட்ட 300 கோடி ரூபாய் வசூல் செய்து அதிக வசூல் செய்த படமானது எந்திரன்.
2.0அவரின் ரெகார்டை அவரே பிரேக் செய்வதுதான் தலைவரின் ஸ்பெஷல். அந்த வகையில், எந்திரன் படத்தின் இரண்டாம் பாகமான 2.0 படமும் மாபெரும் ஹிட் அடித்தது. இயக்குனர் ஷங்கர் இயக்கத்தில், சூப்பர்ஸ்டார் ரஜினிகாந்த், அக்ஷய் குமார், எமி ஜாக்சன் நடித்த படம் 2.0 . எந்திரன் படத்திற்கு கிடைத்த மாபெரும் வரவேற்பை மறுபடியும் பெற வேண்டும் என உருவாக்கிய படம் தான் 2.0. இந்த படத்தில் எந்த காதல் காட்சியும் இருக்காது, ஆனால் மாஸான பல காட்சிகள் இருக்கும். சூப்பர் ஸ்டார் ரஜினிகாந்திற்காகவே இந்த படத்தை பார்த்தவர்கள் பலர். 2010 முதல் 2020 வரை வெளியான படங்களில் இந்த படத்தின் வெற்றி மிகப்பெரியது.
ஜெயிலர்நெல்சன் திலீப்குமார் இயக்கத்தில் சூப்பர் ஸ்டார் நடிப்பில் வெளியான திரைப்படம் ஜெயிலர். ஆகஸ்ட் 10 இந்த படம் வெளியானது. இந்த படம் வசூல், விமர்சனம் என எதிலுமே சளைக்காமல் வெற்றிபெற்றது. அதுமட்டுமல்லாமல், 500 கோடி ருபாய் வசூல் செய்த இயக்குனர் பட்டியலில் நெல்சன் இணைந்தார், இந்தியா மட்டுமல்லாமல், உலகெங்கும் ட்ரெண்டிங் டாபிக்காக ஜெயிலர் படம் ஆனது. இதுவரை வெளியான படங்களிலேயே இந்த படம் சிறப்பான படமாக ஆனது. இந்த 10 வருடங்களில் ஜெயிலர் படத்தின் வெற்றி தான் தமிழ் சினிமாவின் வெற்றியை பேசும் படமாக இருக்கும் என்பதில் சந்தேகமில்லை. சூப்பர் ஸ்டார் ரஜினிகாந்த் சினிமாவில் வெற்றிக்கான லேண்ட் மார்க்கை செட் செய்யும் ஒருவர். அவரை பார்த்து வியக்காத சினிமா பிரபலங்கள் இருக்க முடியாது. அந்த வகையில், சினிமாவின் ஆட்சி செய்து வரும் சூப்பர் ஸ்டாரின் படங்கள் என்றும் மனதில் நிற்பவையாகவே இருக்கிறது.