வெங்கட் பிரபு இயக்கத்தில் விஜய் நடிப்பில் மல்டி ஸ்டார் படமாக உருவாகவுள்ள ‘தளபதி 68’ ல் புதிதாக ஒரு நடிகர் இணைந்துள்ளார்.
தளபதி 68’தளபதி 68′ பட வேலைகள் வேகம் எடுக்க துவங்கியுள்ளது. ‘லியோ’ படப்பிடிப்பு முடிவடைந்துள்ள நிலையில் தனது அடுத்த படத்திற்கான பணிகளில் தீவிரமாக இறங்கிவிட்டார் நடிகர் விஜய். ஆனால் ‘லியோ’ ரிலீஸ் வரை ‘தளபதி 68’ படம் குறித்த எந்த அப்டேட்யும் வெளியாக கூடாது என்பதில் உறுதியாக இருக்கின்றனர் படக்குழுவினர். ஆனால் இந்தப்படம் குறித்த தகவலகள் அடிக்கடி இணையத்தில் வெளியாகி சோஷியல் மீடியாவை கலக்கி வருகிறது.
எதிர்பார்க்காத சர்ப்ரைஸ்’லியோ’ படத்தினை தொடர்ந்து தளபதி யார் இயக்கத்தில் நடிக்க போகிறார் என்ற எதிர்பார்ப்பு ரசிகர்களிடையே நிலவி வந்தது. இந்த லிஸ்டில் பலரின் பெயர்களும் இடம்பிடித்தன. திடீர் ட்விஸ்ட்டாக வெங்கட் பிரபு ‘தளபதி 68’ படத்தை இய்க்கும் வாய்ப்பை கைப்பற்றினார். இந்த காம்போ இணையும் என கோலிவுட் சினிமாவை சார்ந்த யாருமே எதிர்பார்க்கவில்லை.
வெங்கட் பிரபுவுடன் கூட்டணிதமிழ் சினிமாவில் பல கலகலப்பான படங்களை இயக்கி ரசிகர்கள் இடையே வரவேற்பை பெற்றவர் வெங்கட் பிரபு. அது மட்டும் இல்லாமல் அஜித்தை வைத்து ‘மங்காத்தா’ என்ற மிகப்பெரிய பிளாக் பஸ்டர் படத்தை கொடுத்தவர். இவருடன் தற்போது விஜய் கூட்டணி அமைத்துள்ளது தான் கோலிவுட் வட்டாரத்தின் ஹாட் டாபிக்காக உள்ளது.
மல்டி ஸ்டார் படம்இந்நிலையில் இந்தப்படத்தில் யாரெல்லாம் நடிக்க போகிறார்கள் என்ற பேச்சும் சோஷியல் மீடியாவில் அவ்வப்போது வெளியாகி வைரலாகி வருகிறது. ஜெய், பிரபுதேவா, மாதவன், பிரசாந்த் உள்ளிட்டோர் இந்தப்படத்தில் நடிக்கவுள்ளதாக ஏற்கனவே தகவல்கள் வெளியாகி இணையத்தை கலக்கி வருகிறது. இந்த லிஸ்டில் தற்போது நடிகர் வைபவும் இணைந்துள்ளார். வெங்கட் பிரபு பட்டாளத்தை சார்ந்த இவரும் ‘தளபதி 68’ படத்தில் இணைந்துள்ளதாக தகவல்கள் வெளியாகி ரசிகர்களிடையே எதிர்பார்ப்பை கிளப்பி வருகிறது.
விஜய் – யுவன்விஜய் இரட்டை வேடங்களில் நடிக்கும் ‘தளபதி 68’ படம் மல்டி ஸ்டார் படமாக உருவாக இருப்பதாக கூறப்படுகிறது. தற்போது மல்டி ஸ்டார் படங்கள் தொடர்ச்சியாக ஹிட் அடித்து வருவதால் ‘தளபதி 68’ படத்திலும் வெங்கட் பிரபு அந்த பார்மூலாவை கொண்டு வருவார் என எதிர்பார்க்கப்படுகிறது. ஏஜிஎஸ் நிறுவனத்தின் தயாரிப்பில் உருவாகவுள்ள ‘தளபதி 68’ படத்திற்கு யுவன் ஷங்கர் ராஜா இசையமைக்கவுள்ளார். நீண்ட கேப்பிற்கு பிறகு விஜய் படத்துக்கு யுவன் இசையமைக்கவுள்ளது குறிப்பிடத்தக்கது.