நடிகை பூஜாவின் லேட்டஸ்ட் புகைப்படம் வைரல்
கடந்த 2003ம் ஆண்டு மாதவன், பிரியங்கா இருவரும் ஜோடியாக நடித்த ‛ஜேஜே' படத்தின் மூலம் தமிழ் சினிமாவில் அறிமுகமானவர் நடிகை பூஜா. அப்படத்தை தொடர்ந்து அஜித்துடன் அட்டகாசம், உள்ளம் கேட்குமே போன்ற படங்களில் நடித்து கவனத்தை ஈர்த்தார். பின்னர் ஜித்தன், பட்டியல், தம்பி, தகப்பன்சாமி, பொறி, ஓரம் போ ஆகிய படங்களில் வரிசையாக நடித்தாலும், பாலா இயக்கத்தில் ஆர்யா நடித்த ‛நான் கடவுள்' படம் நடிகை பூஜாவிற்கு மிகப்பெரிய பெயரை வாங்கிக் கொடுத்தது.
2016ம் ஆண்டு இலங்கையை சேர்ந்த பிரஜன் டேவிட் வேதகன் என்பவரை திருமணம் செய்துகொண்டார். அதன்பின் தமிழ் சினிமா பக்கம் வராமல் இருக்கும் பூஜாவின் லேட்டஸ்ட் புகைப்படம் ஒன்று சமூக வலைதளங்களில் வலம் வருகிறது. அதைப்பார்த்த ரசிகர்கள், இன்னும் பூஜா அதே தோற்றத்தில் இருப்பதாக கமெண்ட் செய்து வருகிறார்கள்.