தமிழ் புத்தாண்டில் வெளியான ‛இந்தியன்-2' படத்தின் போஸ்டர்!
ஷங்கர் இயக்கத்தில் கமல் நடித்துள்ள இந்தியன்-2 படத்தின் படப்பிடிப்பு முடிவடைந்து இறுதி கட்டப் பணிகள் நடைபெற்று வருகிறது. இதற்கிடையே கமல்-மனிஷா கொய்ராலா சம்பந்தப்பட்ட சில காட்சிகள் அடுத்து படமாக்கப்பட இருப்பதாகவும் கூறப்படுகிறது. இந்த படத்திற்கு அனிருத் இசை அமைத்திருக்கிறார்.
இந்த நிலையில் இன்று தமிழ் புத்தாண்டு என்பதால் இந்தியன்-2 படத்தின் போஸ்டர் ஒன்று வெளியிடப்பட்டுள்ளது. அதில், இந்தியன் தாத்தா கமல்ஹாசன் இரண்டு விதமான கெட்டப்புகளில் தோன்றுகிறார். மேலும் ஜூன் மாதம் இப்படம் திரைக்கு வருவதால் டீசர், டிரைலர், இசை வெளியீட்டு விழாக்கள் குறித்த அறிவிப்புகளும் அடுத்தடுத்து வெளியாக உள்ளன.