தேர்தலுக்கு பின் விடாமுயற்சி படத்தின் இறுதிகட்ட படப்பிடிப்பு
மகிழ்திருமேனி இயக்கத்தில் அஜித்குமார் கடந்த பல மாதங்களாக 'விடாமுயற்சி' என்கிற படத்தில் நடித்து வருகிறார். லைகா புரொடக்சன்ஸ் நிறுவனம் தயாரிக்கும் இப்படத்திற்கு அனிரூத் இசையமைக்கிறார். இதில் அர்ஜுன், த்ரிஷா, ரெஜினா கசன்டரா, ஆரவ் உள்ளிட்டோர் முக்கிய கதாபாத்திரங்களில் நடிக்கின்றனர்.
ஏற்கனவே இதன் 70 சதவீத படப்பிடிப்பு அஜர்பைஜானில் நடைபெற்று வந்தது. சமீபத்தில் சில பிரச்னைகளால் விடாமுயற்சி படப்பிடிப்பு தாமதம் ஆகி வந்தது. இந்த நிலையில் விடாமுயற்சி படத்தின் இறுதிகட்ட படப்பிடிப்பை தமிழகத்தில் லோக்சபா தேர்தல் முடிந்த பின் வருகின்ற ஏப்ரல் 25ம் தேதி அஜர்பைஜான் பகுதியில் மீண்டும் தொடங்குகின்றனர். முழுமூச்சாக இந்த இறுதிகட்ட படப்பிடிப்பை மே மாத இறுதிக்குள் முடிக்க திட்டமிட்டுள்ளனர். இதில் அஜித், அர்ஜுன், த்ரிஷா சம்மந்தப்பட்ட காட்சிகளைக் பெரும்பாலும் படமாக்கவுள்ளனர்.