அஜித்தின் 53வது பிறந்தநாள் : பரிசாக பைக் வழங்கிய ஷாலினி
விடாமுயற்சி, குட் பேட் அக்லி போன்ற படங்களில் நடித்து வரும் அஜித் குமார், மே ஒன்றாம் தேதியான இன்று தன்னுடைய 53வது பிறந்தநாளை கொண்டாடி வருகிறார். இந்நிலையில் அவருக்கு திரையுலகினரும், ரசிகர்களும் பிறந்தநாள் வாழ்த்து தெரிவித்து வருகிறார்கள். அதோடு, அஜித்தின் பிறந்தநாள் ஹேஷ்டேக்கும் சோசியல் மீடியாவில் டிரெண்டிங்கில் உள்ளது.
இந்த நிலையில் அஜித்தின் மனைவியான ஷாலினி அவருக்கு தனது 53வது பிறந்தநாள் பரிசாக விலை உயர்ந்த டுகாட்டி பைக் வழங்கியிருக்கிறார். இது குறித்த புகைப்படத்தை தன்னுடைய சமூகவலைதளத்தில் வெளியிட்டு இருக்கிறார் ஷாலினி. மேலும் அஜித் குமார் ஒரு மிகப்பெரிய பைக் பிரியர் என்பதும், பைக்கிலேயே அவர் உலகம் முழுக்க சுற்றுப்பயணம் செய்து வருகிறார் என்பதும் குறிப்பிடத்தக்கது.