தமிழ் சினிமாவில் உச்ச நடிகராக வலம் வருபவர்
விஜய்
. இவர் தற்போது நெல்சன் திலீப்குமார் இயக்கத்தில் ‘
பீஸ்ட்
‘ படத்தில் நடித்து முடித்துள்ளார். சன் பிக்சர்ஸ் தயாரித்துள்ள இந்தப்படத்தில் பூஜா ஹெக்டே கதாநாயகியாக நடித்துள்ளார். ‘பீஸ்ட்’ படத்தை ஏப்ரல் மாதம் வெளியிட திட்டமிட்டுள்ளனர் படக்குழுவினர்.
கோலமாவு கோகிலா, டாக்டர் படங்களை தொடர்ந்து தற்போது விஜய் நடிப்பில் ‘பீஸ்ட்’ படத்தை இயக்கியுள்ளார் நெல்சன் திலீப்குமார். மலையாள நடிகர் ஷைன் டாம் சாக்கோ மற்றும் இயக்குநர் செல்வராகவன் உள்ளிட்டோர் இந்த படத்தில் நடித்துள்ளனர். இந்தப்படத்தில் செல்வராகவன் அரசியல்வாதி கதாபாத்திரத்தில் நடித்துள்ளதாக தகவல்கள் வெளியாகியுள்ளன.
‘பீஸ்ட்’ படத்தை முடித்துவிட்டு தெலுங்கு இயக்குனர் வம்சி பைடிபல்லி, ஸ்ரீ வெங்கடேஸ்வரா கிரியேஷன்ஸ் தயாரிப்பில் விஜய்யின் 66-வது படம் உருவாக்கப்போவதாக அதிகாரப்பூர்வமான அறிவிப்பு வெளியானது. இந்த படத்தில் முக்கிய கதாபாத்திரத்தில் மகேஷ்பாபு மகள் மற்றும் பிரகாஷ்ராஜ் ஆகியோர் நடிக்க இருப்பதாகவும் ஏற்கனவே செய்திகள் வெளியானது.
விபத்தை ஏற்படுத்திவிட்டு தலைமறைவான நகைச்சுவை நடிகர்: போலீஸ் வலைவீச்சு..!
தற்போதைய தமிழ் சினிமாவின் பாக்ஸ் ஆபிஸ் கிங்காக வலம் வருகிறார் விஜய். இவர் நடிப்பில் கடைசியாக வெளியான ‘மாஸ்டர்’ படமும் சுமார் 200 கோடிக்கு மேல் வசூல் வேட்டை நடத்தியது குறிப்பிடத்தக்கது. கொரோனாவிற்கு பின்பு வெளியாகி திரையரங்கு உரிமையாளர்கள், விநியோகஸ்தர்கள் அனைவருக்கும் கல்லா கட்டி கொடுத்தது விஜய்யின் ‘மாஸ்டர்’.
இந்நிலையில் அண்மையில் தயாரிப்பாளர் கே ராஜன் பேட்டி ஒன்றில், நடிகர் விஜய் ரஜினியை பின்னுக்கு தள்ளி விட்டார் என்பதை மறுக்க முடியாத உண்மை என்று தான் சொல்ல வேண்டும். அப்போது சிவாஜி படங்கள்தான் பெரிய வசூல் படைக்கும். அதன் பின்னர் ரஜினி அந்த இடத்தை பிடித்தார். அதேபோல் தற்போது விஜய் ரஜினியின் இடத்தை பிடித்து விட்டார் என்பது மறுக்க முடியாத உண்மை என கூறியுள்ளார்.
“வலிமை” யான வசூல் வேட்டை; படக்குழுவினர் ஹேப்பி !