உக்ரைன் அகதிகளுக்கு தங்க இடமளிக்கும் பிரித்தானியர்களுக்கு மாதத்திற்கு பணம் வழங்கப்படும் என அரசாங்கம் அறிவித்துள்ளது.
‘Homes for Ukraine’ என்றழைக்கப்படும் புதிய திட்டத்தின் கீழ், குடும்ப உறவுகள் இல்லாவிட்டாலும், போரிலிருந்து வரும் அகதிகளை பிரித்தானியாவுக்கு வர அனுமதிக்கும் என்று அரசாங்கம் தெரிவித்துள்ளது.
அகதிகளுக்கு குறைந்தபட்சம் ஆறு மாதங்களுக்கு தங்க அறை அல்லது வீட்டை வழங்கும் பிரித்தானியர்களுக்கு ஒரு மாதத்திற்கு 350 பவுண்டுகள் கொடுக்கப்படும் என அரசு அறிவித்துள்ளது.
புதிய திட்டத்தின் கீழ், பொதுமக்கள், தொண்டு நிறுவனங்கள், வணிகங்கள் மற்றும் சமூகக் குழுக்களின் உறுப்பினர்கள் அடுத்த வார இறுதிக்குள் இணையப் பக்கத்தின் மூலம் தங்க இடமளிக்க முடியும் என்று அரசாங்கம் தெரிவித்துள்ளது.
இருண்ட நேரத்தில் உக்ரைனுடன் பிரித்தானியா நிற்கிறது, மேலும் எங்களால் முடிந்தவரை விரைவாகப் பாதுகாப்பான இடமளிக்க வேண்டியதன் அவசியத்தை பிரிட்டிஷ் பொதுமக்கள் புரிந்துகொள்கிறார்கள் என்று வீட்டுவசதி அமைச்சர் மைக்கேல் கோவ் அறிக்கையில் தெரிவித்துள்ளார்.
நாடு முழுவதும் உள்ள மக்களை தேசிய முயற்சியில் சேருமாறும், உக்ரேனிய நண்பர்களுக்கு ஆதரவை வழங்குமாறும் நான் கேட்டுக்கொள்கிறேன்.
உக்ரைன் அகதிகளுக்கு ஒரு அறை அல்லது வீட்டை வழங்க முன் வருபவர்கள் அனைவரும், அவர்கள் வழங்கும் தங்குமிடம் தரநிலைகளை பூர்த்தி செய்கிறதா என்பதைக் காட்ட வேண்டும் மற்றும் அவர்கள் குற்றவியல் பதிவு சோதனைகளுக்கு உட்படுத்தப்பட வேண்டும் என அரசு அறிவித்துள்ளது.