சீன உணவு வகைகள் உலக அளவில் பிரபலமாக இருந்தாலும், இந்திய உணவுகளுக்கு எப்போது தனி வரவேற்பு உண்டு. அதுவும் இட்லி, தோசை, வடை,
கிச்சடி
, சாம்பார் போன்ற தென்னிந்திய உணவு வகைகளுக்கு சர்வதேச மக்கள் மத்தியில் எப்போதும் தனி கவனத்தை பெற்றுள்ளது.
இதனை மெய்ப்பிக்கும் விதமாக ஆஸ்திரேலிய பிரதமர் ஸ்காட் மாரிசன் தரமான சம்பவம் ஒன்றை செய்துள்ளார்.
பிரதமர் நரேந்திர மோடிக்கு பிடித்தமானதும், அவரது சொந்த மாநிலமான குஜராத்தில் புகழ்பெற்றதுமான கிச்சடி உணவு வகையை தமது குடும்பத்துக்காக அவர் சமைத்து அசத்தியுள்ளார். அத்துடன் இது தமக்கும் பிடித்த உணவு எனவும் அவர் குறிப்பிட்டுள்ளார்.
பாகிஸ்தானிலும் ஒரு “நரேந்திர மோடி”.. முதல்வர் டூ பிரதமர்.. ஷபாஸ் ஷெரீப்!
இந்தியாவுடன் மேற்கொள்ளப்பட்டுள்ள புதிய வர்த்தக ஒப்பந்தத்தைக் கொண்டாடும் விதமாக , சுவாரஸ்யமான இந்த சமையலை செய்துள்ளதாகவும் அவர் தெரிவித்துள்ளார்.
ஆஸ்திரேலியாவில் உள்ள தமது வீட்டில் கிச்சடி சமைத்தது தொடர்பாக அவர் பகிர்ந்துள்ள புகைப்படங்கள் சமூக வலைதளங்களில் தற்போது வைரலாகி வருகிறது.
இந்தியா-ஆஸ்திரேலியா இடையேயான வர்த்தக உறவு அண்மைக் காவமாக அதிகரித்து வருகிறது. இந்த மாத துவக்கத்தில்கூட இரு நாடுகளும் புதிய வர்த்தக ஒப்பந்தங்களில் கையெழுத்திட்டன என்பது குறிப்பிடத்தக்கது.