உலகளவில் அதிக மக்கள் பயன்படுத்தி வரும் மீடியா பிளேயர்களின் ஒன்று
VLC
மீடியா பிளேயர். ஓப்பன் சோர்ஸில் கட்டமைக்கப்பட்ட இந்த
மீடியா பிளேயர்
நிறைய பார்மேட் பைல்களை அணுக அனுமதிப்பதால், இந்த மென்பொருளை அதிகமானோர் பயன்படுத்தி வருகின்றனர்.
பெரும்பாலான கணினிகளில் இந்த
விஎல்சி
மீடியா பிளேயர் நிறுவப்பட்டிருக்கும். தற்போது ஆண்ட்ராய்டு ஸ்மார்ட்போன்களிலும் இந்த மீடியா பிளேயர் அதிகம் பயன்படுத்தப்பட்டு வருகிறது. ஆனால், தற்போது ஒரு பெரிய சிக்கல் எழுந்துள்ளது.
அதாவது, இந்த மீடியா பிளேயர் வழியாக
ஹேக்கர்கள்
அரசாங்க கணக்குகளை கண்காணித்து வருவதாக தகவல் வெளியாகி உள்ளது. இந்த தகவலை கணினி பாதுகாப்பு மென்பொருள் தயாரிப்பு நிறுவனமான Symantec
Cyber Security
ஆய்வாளர்கள் தெரிவித்துள்ளனர்.
அதாவது சீனாவின் சிசாடா அல்லது APT10 என்ற பெயரில் உலவும் நிறுவனம் விஎல்சி மீடியா பிளேயரை பயன்படுத்தி மால்வேரை கணினிகளில் நிறுவுகிறது. இதன்மூலம் அரசாங்கம், மதம், காவல்துறை, மருத்துவம் சார்ந்த நிறுவனங்களை கண்காணித்து வருவதாக தெரிவிக்கப்பட்டுள்ளது.
ஆபத்தான ஆப்ஸ் – ப்ளே ஸ்டோரில் இருந்து நீக்கிய கூகுள்!
செயலிகளின் மறைந்திருக்கும் ஆபத்து
முக்கியமாக ஐரோப்பா, ஆசியா, வட அமெரிக்கா உள்ளிட்ட இடங்களில் இந்த செயல்கள் நடைபெறுவதாக கூறப்படுகிறது. குறிப்பாக அமெரிக்கா, கனடா, ஹாங்காங், துருக்கி, இஸ்ரேல், இந்தியா, மோண்டகேரோ, இத்தாலி, ஜப்பான் ஆகிய நாடுகளில் இந்த சைபர் தாக்குதல்கள் நடந்துள்ளதாகவும் அதிர்ச்சி தகவல் வெளியாகி உள்ளது.
இந்த சைபர் தாக்குதல்கள் 2021ஆம் ஆண்டு தொடங்கி 2022 ஆம் ஆண்டு பிப்ரவரி மாதம் வரை தொடர்ந்து நடைபெற்று வருவதாக தெரியவந்துள்ளது. எனவே, இந்த மென்பொருளை கணினி அல்லது ஸ்மார்ட்போன்களில் பயன்படுத்தும் நபர்கள் உடனடியாக அதை நீக்க அறிவுறுத்தப்பட்டுள்ளனர்.
அரசாங்க நிறுவனங்களுக்கும் இதுகுறித்த எச்சரிக்கை அறிக்கையை சிமென்டெக் அனுப்பியுள்ளது. தற்போதைய சூழலில், சைபர் தாக்குதல்கள் தொடர்ந்து அதிகரித்து வருகின்றன. சமீபத்தில் கூகுள் தனது பிளே ஸ்டோரில் கண்டறிந்த பல செயலிகளை நீக்கியது குறிப்பிடத்தக்கது.
Alert: இந்த 4 எழுத்துகள் இருந்தால் அலர்ட்! போஸ்புக் மெசஞ்சரில் சுழலும் ஆபத்து!
கூகுள் பிளே ஸ்டோர் மால்வேர் ஆப்ஸ்
பாதுகாப்பு ஆராய்ச்சி நிறுவனமான CheckPoint தனது வலைப்பதிவில் கூகுள் பிளே ஸ்டோரில் உலாவிய மால்வேர்கள் குறித்த தகவலை வழங்கியுள்ளது. இந்த மால்வேர்கள் பாதுகாப்பு வழங்கும் மென்பொருள்கள் தோற்றத்தில் உலாவியது அம்பலமானது.
அந்த பதிவில், “இந்தப் பயன்பாடுகள் அனைத்தும் Sharkbot மால்வேரைக் கொண்டிருந்தன. இது “ட்ராப்பர்ஸ்” செயலியை பயனர்களின் ஸ்மார்ட்போன்களில் பதிவிறக்கம் செய்து பயனர்களின் தனிப்பட்ட தகவல்களைத் திருடுகிறது.
கூகுள் ப்ளே ஸ்டோரில் இருந்து Atom Clean-booster Antivirus, Antivirus super cleaner, Alpha antivirus cleaner, Powerful cleaner antivirus, centre security antivirus, Center Security Antivirus ஆகிய செயலிகள் சமீபத்தில் மால்வேர்களாக கண்டறியப்பட்டு நீக்கப்பட்டது.