உக்ரைனுக்கு ஆயுதங்கள் வழங்குவதில் எந்த தடையும் இல்லை என ஜேர்மன் வெளியுறவுத்துறை அமைச்சர் அன்னலெனா பேர்பாக் தெரிவித்துள்ளார்.
உக்ரைன் மீது 57வது நாளாக தொடர்ந்து போர் தொடுத்து வரும் ரஷ்யா, அந்நாட்டின் கார்கிவ் மீது சரமாரி தாக்குதல் நடத்தி வருகிறது.
ரஷ்யா தாக்குதலில் இருந்த உக்ரைனை தற்காத்துக் கொள்ள ஆயுதங்கள் தந்து உதவுமாறு மேற்கத்திய நாடுகளுக்கு உக்ரைன் ஜனாதிபதி ஜெலன்ஸ்கி தொடர்ந்து கோரிக்கை விடுத்தார்.
ஜெலன்ஸ்கியின் கோரிக்கையை ஏற்று அமெரிக்கா, பிரித்தானியா உட்பட பல நாடுகள் உக்ரைனுக்கு ஆயுதங்களை வழங்கி வருகின்றன.
இதனிடையே, உக்ரைனுக்கு கனரக ஆயுதங்கள் வழங்குதை ஜேர்ன் சான்சலர் ஓலாஃப் ஷோட்ஸ் தடுத்ததாக அந்நாட்டு சிறுபத்திரிகையான பில்ட் செய்தி வெளியிட்டுள்ளது.
உக்ரைனுக்கு ஆயுதங்கள் வழங்குவதை தடுத்த ஜேர்மன் சான்சலர்! போட்டுடைத்த பில்ட்
இந்நிலையில், உக்ரைனுக்கு தேவையான ஆயுதங்கள் வழங்குவதில் ஜேர்மனிக்கு எந்த தடையும் இல்லை என்று ஜேர்மன் வெளியுறவு அமைச்சர் அன்னலெனா பேர்பாக் தெரிவித்துள்ளார்.
உக்ரைனுக்கு வழங்குவதற்கு முன்பு, மார்டர் மற்றும் சிறுத்தை டாங்கிளுக்கு என்ன கூடுதல் பராமரிப்பு தேவை என்பதை ஜேர்மனி கவனித்து வருகிறது.
ஜேர்மன் ராணுவமே அதன் தற்போதைய பணிகளுக்கு கிட் பற்றாக்குறையை எதிர்கொள்கிறது, நட்பு நாடுகளால் தயாரிக்கப்பட்ட பழைய சோவியத் கிட்களின் நன்கொடைகளை ஜேர்மனி மீண்டும் பயன்படுத்தி வருகிறது என அன்னலெனா பேர்பாக் கூறினார்.