Oneplus Ace Pro Launch: ஒன்பிளஸ் தனது புதிய ஒன்பிளஸ் ஏஸ் ப்ரோ ஸ்மார்ட்போனை ஆகஸ்ட் 3 ஆம் தேதி சீனாவில் அறிமுகப்படுத்துகிறது. இந்த போன் ஆகஸ்ட் 3 ஆம் தேதி இந்தியாவிலும் பிற சந்தைகளிலும் அறிமுகமாகும்.
ஆனால், சீனாவிற்கு வெளியே ஸ்மார்ட்போன் OnePlus 10T என்ற பெயரில் களம்காணும் என்று தகவல்கள் தெரிவிக்கின்றன. இந்த போன் கடந்த சில நாட்களாக செய்திகளில் உலா வருகிறது. மேலும் அதன் விவரங்களும் கசிந்துள்ளன.
இதுவரை கிடைத்த தகவல்களின்படி, புதிய பிரீமியம் ஒன்பிளஸ் போனானது, 120 ஹெர்ட்ஸ் ரெப்ரெஷ் ரேட் கொண்ட டிஸ்ப்ளே, 150W ஃபாஸ்ட் சார்ஜிங், 16ஜிபி வரை ரேம் உடன் வரும் என்று எதிர்பார்க்கப்படுகிறது.
Xiaomi: சியோமி ஸ்மார்ட் கண்ணாடி; இனி ஸ்மார்ட்போன் வேலைகளை இது பார்த்துக்கொள்ளும்!
ஒன்பிளஸ் 10டி 5ஜி அம்சங்கள் (OnePlus 10T 5G Specifications)
OnePlus 10T ஆனது 120Hz ரெப்ரெஷ் ரேட்டை ஆதரிக்கும் 6.7 இன்ச் முழு எச்டி+ LTPO 2.0 அமோலெட் டிஸ்ப்ளே, 360Hz டச் சேம்பிளிங் ரேட், HDR10+ ஆதரவுடன் இருக்கும். இதன் பாதுகாப்பிற்காக கார்னிங் கொரில்லா கிளாஸ் 5 கொடுக்கப்படும். ஸ்னாப்டிராகன் 8 ஜென் 1 சிப்செட் இதில் கொடுக்கப்படலாம்.
ஆண்ட்ராய்டு 12 அடிப்படையிலான கலர் ஓஎஸ் ஸ்கின் இதில் நிறுவப்பட்டிருக்கும். போனின் கேமராவைப் பொருத்தவரை பின்புறம் OIS ஆதரவுடன் வரும் 50 மெகாபிக்சல் முதன்மை கேமரா, 8 மெகாபிக்சல் அல்ட்ரா வைட் ஆங்கிள் லென்ஸ், 2 மெகாபிக்சல் மேக்ரோ சென்சார் ஆகியவை கொண்டிருக்கும்.
முன்பக்கத்தில் 16 மெகாபிக்சல் செல்பி கேமரா வழங்கப்படும். ஒன்பிளஸ் 10டி 5ஜி போனை சக்தியூட்ட 5000mAh பேட்டரி வழங்கப்படும். அதனை திறனூட்ட 150W பாஸ்ட் சார்ஜிங் ஆதரவும் பயனர்களுக்குக் கிடைக்கும். வயர்லெஸ் சார்ஜிங் ஆதரவு கொடுக்கப்படுமா என்பது குறித்து எந்த தகவலும் இல்லை. போனில் அலெர்ட் ஸ்லைடரும் கொடுக்கப்படாது என்று கூறப்படுகிறது.
5G Auction: ஏர்டெல்லுக்கு இன்னும் தேவை… விடாமல் பிடிக்கும் ஜியோ!
ஒன்பிளஸ் 10டி ப்ரோ விலை (Oneplus 10T Price in India)
நிறுவனம் இந்த ஸ்மார்ட்போன் விளம்பரத்திற்கு “வேகத்திற்கு அப்பாற்பட்ட வளர்ச்சி” என்ற சொல்லை பயன்படுத்தி வருகிறது. ஆனால், வரவிருக்கும் ஸ்மார்ட்போனின் அம்சங்களை பொருத்தவரையில், புதிய புராசஸர் தவிர்த்து மற்றவை எல்லாம் ஒன்பிளஸ் 10 ப்ரோ ஸ்மார்ட்போன் போலவே இருக்கும் என டெக்கிகள் கருதுகின்றனர்.
மேலதிக செய்தி:
Budget 5G Phones: ரூ.15,000க்கும் குறைவான விலையில் கிடைக்கும் சிறந்த 5ஜி போன்கள்!
OnePlus 10T 5G ஸ்மார்ட்போனின் அடிப்படை வேரியன்டின் விலை இந்தியாவில் சுமார் ரூ.49,999 ஆக இருக்கும் என தெரியவந்துள்ளது. இந்த போன் அமேசான் இந்தியா தளத்தின் வாயிலாக விற்பனைக்குக் கொண்டு வரப்படுகிறது. இந்த தொகுப்பில் பல போன்கள் சந்தையில் போட்டியில் இருக்கிறது என்பது குறிப்பிடத்தக்கது.