செப்டம்பர் மாதத்தில் ஆப்பிள் ஐபோன் 14 வெளியாக உள்ளதாக பல்வேறு வதந்திகள் இணையத்தில் உலா வந்து கொண்டிருக்கின்றன. இன்னும் ஆப்பிள் நிறுவனமும் அதன் அதிகாரபூர்வ வெளியீட்டு தேதியை அறிவிக்கவில்லை.
இந்நிலையில் இந்த முறை சீனாவில் முதலில் ஐபோன் வெளியான பிறகு இந்தியாவில் ஐபோன் உற்பத்தியை ஆப்பிள் நிறுவனம் துவங்க உள்ளதாக சில தகவல்கள் பரவி கொண்டிருக்கின்றன. இந்த வருட தீபாவளிக்கு இந்தியாவில் உற்பத்தியான ஐபோன்களையே நாம் பயன்படுத்தினாலும் ஆச்சரிய படுவதிற்கில்லை.
வழக்கம்போல வரவிருக்கும் ஆப்பிள் ஐபோன் 14இல் என்னென்ன சிறப்பம்சங்கள் இடம்பெறும் என்ற வதந்திகள் மற்றும் எதிர்பார்ப்புகள் இணையத்தை நிரப்ப ஆரம்பித்துவிட்டன.அதில் சில உங்களுக்காக..
ஆப்பிள் ஐபோன் 14 சீரிஸில் ஆப்பிள் ஐபோன் 14, ஆப்பிள் ஐபோன் 14 Max , ஆப்பிள் ஐபோன் 14 Pro,ஆப்பிள் ஐபோன் 14 Pro Max ஆகிய மாடல்கள் வெளியிடப் படலாம் என்று எதிர்பார்க்கப்படுகிறது. இதில் முதல் இரண்டு மாடல்களும் A15 பயோனிக் சிப்பும் , மீதி இரண்டு மாடல்களும் வர இருக்கும் A16 பயோனிக் சிப்பையும் கொண்டு வெளியாகும் என்று வதந்திகள் பரவி கொண்டிருக்கின்றன.
அதே போல் ஆப்பிள் ஐபோன் 14 Pro,ஆப்பிள் ஐபோன் 14 Pro Max ஆகிய இரண்டு மாடல்களின் டிஸ்பிளே வடிவமைப்பும் வழக்கமான ஆப்பிள் ஐபோனின் வடிவமைப்பிலிருந்து மாறுபடலாம் என்று எதிர்பார்க்கப்படுகிறது. குறிப்பாக அதன் பிரபலமான NOTCH வடிவ டிஸ்பிளேயிலிருந்து punch -hole வடிவ திரைக்கு மாறலாம் என ரோஸ் யங் என்ற டிஸ்பிளே தயாரிப்பு சார்ந்து இயங்கி வரும் நிபுணர் ஒருவர் தெரிவித்துள்ளார்.
இது மட்டுமல்லாது வழக்கம் போல ஆப்பிள் தன் மொபைல் சீரிஸ்களோடு சேர்த்து ஐவாட்ச் , ஐபாட், ஏர்பாட்ஸ் போன்றவற்றையும் அடுத்த ஜெனரேஷனுக்கு அப்கிரேட் செய்யும்.
அப்படி இந்த முறையும் பெரிய டிஸ்பிளேயுடன் கூடிய ஆப்பிள் ஐவாட்ச் 8 சீரிஸ் மற்றும் சிப் அப்டேட் செய்யப்பட்ட இரண்டாவது தலைமுறை ஆப்பிள் ஏர்பாட் ப்ரோ மற்றும் மெல்லிய பெசல்ஸ் மற்றும் முந்தைய தயாரிப்பை விட பெரிய திரை அம்சங்களோடு ஐபாட் ஆகியவற்றை ஆப்பிள் ஐபோன் 14 வெளியீட்டின் போதே வெளியிட திட்டமிட்டுள்ளதாக பல்வேறு தகவல்கள் டெக் உலகில் வலம் வந்து கொண்டிருக்கின்றன.
– சுபாஷ் சந்திரபோஸ்
Apple-iPhone-14-Pro-Max விவரங்கள்முழு அம்சங்கள்ஃபெர்பார்மன்ஸ்Apple A15 Bionic (5nm)டிஸ்பிளே6.7 inches (17.01 cm)சேமிப்பகம்128 GBகேமரா12 MP + 12 MP + 12 MP + TOFபேட்டரி3687 mAhஇந்திய விலை84900ரேம்6 GB, 6 GBமுழு அம்சங்கள்
Apple-iPhone-14-Pro-MaxApple iPhone 14 Pro Max 256GB 6GB RAMApple iPhone 14 Pro Max 512GB 6GB RAM