வெற்றிமாறன் படத்தை கைப்பற்றிய உதயநிதி
'அசுரன்' படத்திற்குப் பிறகு விடுதலை திரைப்படத்தை இயக்குனர் வெற்றிமாறன் இயக்கி வருகிறார். இந்தப் படத்தில் நடிகர் சூரி கதாநாயகனாகவும் விஜய் சேதுபதி முக்கிய கதாபாத்திரத்திலும் நடித்துள்ளனர். சூரிக்கு ஜோடியாக பவானி ஸ்ரீ நடித்து வருகிறார். மேலும் முக்கிய கதாபாத்திரத்தில் கவுதம் மேனன், பிரகாஷ் ராஜ், ஆகியோர் நடித்துள்ளனர். ஜெயமோகனின் 'துணைவன்' சிறுகதையை மையமாக கொண்டு இப்படம் உருவாகி வருகிறது. இளையராஜா இசை அமைத்துள்ளார். இதன் படப்பிடிப்பு விறுவிறுப்பாக நடந்து வருகிறது. இரண்டு பாகங்களாக உருவாகும் இந்த படம் டிசம்பருக்குள் நிறைவடையும் என தெரிகிறது.
இந்நிலையில் விரைவில் வெளியாக உள்ள இப்படத்தின் முக்கிய தகவலை படக்குழு வெளியிட்டுள்ளது. அதன்படி இப்படத்தை உதயநிதியின் ரெட் ஜெயன்ட் மூவிஸ் நிறுவனம் தமிழ்நாடு முழுவதும் வெளியிடுகிறது. இதற்கான அதிகாரப்பூர்வ அறிவிப்பு இன்று(செப்., 1) வெளியாகி உள்ளது.
தமிழ் சினிமாவில் முன்னணி நடிகர்கள், இயக்குனர்களின் படங்களை உதயநி்தியின் ரெட் ஜெயன்ட் நிறுவனம் தொடர்ந்து கைப்பற்றி வெளியிட்டு வருகிறது. அந்த வரிசையில் இப்போது விடுதலை-யும் இணைந்துள்ளது.