புஷ்கர் – காயத்ரி இயக்கத்தில் விஜய் சேதுபதி, மாதவன், கதிர், வரலட்சுமி சரத்குமார் உள்ளிட்டோர் நடித்த படம் விக்ரம் வேதா. கடந்த 2017ஆம் ஆண்டு வெளியான இப்படத்துக்கு சாம் சி.எஸ் இசையமைத்திருந்தார். வித்தியாசமான திரைக்கதையாலும், நடிகர்களின் அற்புதமான நடிப்பாலும் படமானது மாபெரும் வெற்றி பெற்றது.
11 கோடி ரூபாய் பட்ஜெட்டில் உருவான இப்படம் 60 கோடி ரூபாய்க்கும் அதிகமாக வசூல் செய்தது. மேலும் இந்தப் படத்தின் மூலம் விஜய் சேதுபதியின் மார்க்கெட்டும் அடுத்தக்கட்டத்துக்கு சென்றது.
இதைத் தொடர்ந்து இந்தியில் விக்ரம் வேதா ரீமேக் செய்யப்படுவதாக அறிவிக்கப்பட்டது. பாலிவுட்டிலும் புஷ்கர் – காயத்ரியே படத்தை இயக்குகின்றனர். இதில், மாதவன் கதாபாத்திரத்தில் சையிப் அலிகானும், விஜய் சேதுபதி கதாபத்திரத்தில் கிருத்திக் ரோஷனும் நடிக்கின்றனர். இதனால் இப்படத்துக்கு மிகப்பெரிய எதிர்பார்ப்பு நிலவுகிறது.
படத்தின் அனைத்து பணிகளும் நிறைவேறியதை அடுத்து சமீபத்தில் வெளியிடப்பட்ட டீசர் பெரும் வரவேற்பைப் பெற்றது. அதனைத் தொடர்ந்து படத்தின் ட்ரெய்லர் நேற்று வெளியானது.
What you choose, defines #VikramVedhaTrailer out now. https://t.co/gPbHy3vCQG
Book your Movie Voucher now on BookMyShow: https://t.co/QRoJXhbpoJ#VikramVedha releases worldwide in cinemas on 30th September 2022.#SaifAliKhan @PushkarGayatri pic.twitter.com/aLPNqdOsMb
— Hrithik Roshan (@iHrithik) September 8, 2022
இந்நிலையில் இந்தி விக்ரம் வேதா ட்ரெய்லர் வெளியான 24 மணி நேரத்தில் அதனை 42 மில்லியன் பேர் பார்த்திருக்கின்றனர். மேலும், 9 லட்சம் பேர் லைக் செய்திருக்கின்றனர்.24 மணி நேரத்திலேயே 50 லட்சம் பார்வையாளர்களை கடந்திருப்பதால் இன்னும் சில நாள்களில் 1 கோடி பேர் பார்ப்பார்கள் என்று எதிர்பார்ப்பு எழுந்துள்ளது. செப்டம்பர் 30ஆம் தேதி வெளியாகவிருக்கும் இப்படமானது 175 கோடி ரூபாய் பட்ஜெட்டில் உருவாகியிருப்பது குறிப்பிடத்தக்கது.