உலகம் முழுவதும் தற்போது
5G கனெக்டிவிட்டி சேவை
படிப்படியாக வழங்கப்பட்டுவருகிறது. இந்தியாவிலும் 5G சேவை அக்டோபர் 1 அன்று பிரதமர் நரேந்திர மோடி அவர்களால் தொடங்கப்பட்டு
ஜியோ
மற்றும்
ஏர்டெல்
ஆகிய நிறுவனங்கள் இந்த 5G சேவையை இந்தியாவின் முக்கிய நகரங்களுக்கு படிப்படியாக வழங்கிவருகின்றன.
5G சேவையை வழங்குவதில் உலகில் முன்னணியில் இருந்த சீன நிறுவனங்கள் இப்போது அதே போன்று 6G சேவை ஆராய்ச்சியிலும் முன்னணியில் உள்ளன. இந்த அடுத்த ஜெனெரஷன் வயர்லெஸ் டெக்னாலஜி சேவையில் சீனாவின் ZTE நிறுவனம் தொடங்கி இதுவரை 5 சோதனைகளை செய்துள்ளதாக அறிவித்துள்ளது.
ZTE நிறுவனம் சீனாவில் டெலிகாம் மற்றும் ஸ்மார்ட்போன் சேவைகளை வழங்கிவரும் ஒரு நிறுவனம் ஆகும். இந்த நிறுவனம் சீனாவின் தொலைத்தொடர்பு துறை உதவியுடன் 6G நெட்ஒர்க் சோதனையை செய்துள்ளது.
சீனாவை போலவே அமெரிக்கா மற்றும் ஐரோப்பாவை சேர்ந்த சில டெக் நிறுவனங்கள் இந்த 6G சேவையை ஆராய்ச்சி செய்துவருகின்றன. சில நாடுகளில் Huawei மற்றும் ZTE ஆகிய நிறுவனங்கள் தடை செய்யப்பட்டுள்ளன. இதன் காரணமாக அங்கெல்லாம் Nokia மற்றும் Ericsson ஆகிய நிறுவனங்கள் இந்த 6G ஆராய்ச்சியை செய்துவருகின்றன.
2030 ஆம் ஆண்டு 6G எதிர்பார்க்கலாம்
இதுவரை இந்த 6G சேவை தொடர்பாக 38 ஆயிரம் காப்புரிமை பதிவாகியுள்ளன. அதில் 13,449 காப்புரிமைகளை சீனாவை சேர்ந்த நிறுவனங்களே பதிவு செய்துள்ளன. இது மொத்த 6G சேவை காப்புரிமைகளில் 35% ஆகும். இதற்கு அடுத்ததாக அமெரிக்காவை சேர்ந்த நிறுவனங்கள் 18% காப்புரிமைகளை பதிவு செய்துள்ளன.
Ericsson நிறுவனம் 10 வருட திட்டம் ஒன்றை வகுத்துள்ளது. அதன்படி வரும் 2030 ஆம் ஆண்டு 6G நெட்ஒர்க் வசதி தயாராகிவிடும் என்று தெரிவித்துள்ளது.
இப்போதுள்ள 5G சேவை மூலம் பயனர்களுக்கு 1GBPS இணைய வேகம் கிடைக்கும். ஆனால் 6G இணைய வேகம் 5G இணைய வேகத்தை விட ஆயிரம் மடங்கு அதிகம் இருக்கும். அதன் அடிப்படையில் 1 TBPS வேகம் அதற்கு கிடைக்கும்.
இந்த
5G சேவை உலகம் முழுவதும் படிப்படியாக அறிமுகம்
செய்யப்பட்டுவரும் நிலையில் இதன் உதவியுடன் நாம் தானியங்கி கார்கள், மருத்துவ அறுவை சிகிச்சை, கல்வி போன்ற பலவற்றிற்கு பயன்படுத்தலாம்.
இதைவிட 6G வேகம் அதிகம் என்பதால் இன்னும் அதிக வேகத்தில் நாம் பல விஷயங்கள் செய்யலாம். இந்த இணைய வேகத்தை கொண்டு நாம் தானியங்கி ரயில், விமானம் போன்றவற்றையே இயக்கலாம் என எதிர்பார்க்கப்படுகிறது.
செய்திகளை உடனுக்குடன் படிக்க கூகுள் நியூஸ்ல் ‘சமயம் தமிழ்’ இணையதளத்தை பின் தொடருங்கள்