தனுஷ்தமிழ் சினிமாவில் முன்னணி நடிகர்களில் ஒருவராக வலம் வருபவர் தனுஷ். நடிகராக மட்டுமல்லாமல் பாடகர், இயக்குனர், தயாரிப்பாளர், பாடலாசிரியர் என பன்முகத்திறன் கொண்டவராக விளங்கி வருகின்றார் தனுஷ். மேலும் பாலிவுட் ,ஹாலிவுட் படங்களில் நடித்து உலகம் முழுவதும் ரசிகர்களை கொண்டுள்ளார். சமீபத்தில் அவரது நடிப்பில் வெளியான திருச்சிற்றம்பலம், நானே வருவேன் ஆகிய திரைப்படங்கள் ரசிகர்களின் வரவேற்பை பெற தற்போது அவர் நடித்து வரும் படங்களின் மீது ரசிகர்களின் எதிர்பார்ப்பு அதிகரித்துள்ளது
தொடர் தோல்விதனுஷ் என்னதான் முன்னணி நடிகராக இருந்தாலும் அவரது படங்கள் தொடர்ந்து தோல்வியை சந்தித்தன. தொடர்ச்சியாக ஜகமே தந்திரம், அத்ராங்கி ரே, மாறன் ஆகிய திரைப்படங்கள் நேரடியாக OTT யில் வெளியாகி படுதோல்வி அடைந்தன. அதிலும் குறிப்பாக கார்த்திக் நரேன் இயக்கத்தில் வெளியான மாறன் திரைப்படம் கடுமையான விமர்சனங்களை சந்தித்தது. இந்த தொடர் தோல்வியின் காரணமாக தனுஷின் மார்க்கெட் சற்று ஆட்டம் கண்டது. எனவே தன் சம்பளத்தையும் கணிசமாக குறைத்தார் தனுஷ்.
வெற்றிப்பாதைஎனவே தொடர் தோல்விகளை சந்தித்து வந்த தனுஷ் திருச்சிற்றம்பலம் மற்றும் நானே வருவேன் திரைப்படங்களை மிகவும் நம்பியிருந்தார். அவரின் நம்பிக்கையை பொய்யாகாமல் திருச்சிற்றம்பலம் திரைப்படம் எதிர்பார்த்ததையும் தாண்டி மிகப்பெரிய வெற்றியை தனுஷிற்கு அளித்தது. மித்ரன் ஜவஹர் இயக்கத்தில் அனிருத்தின் இசையில் வெளியான இப்படம் விமர்சன ரீதியாகவும், வசூல் ரீதியாகவும் மிகப்பெரிய வெற்றியை பெற்றது. அதன் பிறகு செல்வராகவன் இயக்கத்தில் வெளியான நானே வருவேன் திரைப்படமும் வரவேற்பை பெற தனுஷின் மார்க்கெட் மீண்டும் உயர்ந்தது குறிப்பிடத்தக்கது
மீண்டும் கூட்டணிஇந்நிலையில் தனுஷ் திருச்சிற்றம்பலம் திரைப்படத்திற்கு பிறகு மீண்டும் சன் பிக்சர்ஸ் தயாரிப்பில் ஒரு படத்தில் நடிக்கவுள்ளதாக தகவல் வந்துள்ளது. தற்போது தனுஷ் அருண் மாதேஸ்வரன் இயக்கத்தில் கேப்டன் மில்லர் என்ற படத்தில் நடித்து வருகின்றார். இதன் பிறகு தனுஷ் சன் நிறுவனத்தின் தயாரிப்பில் நடிக்கயிருக்கின்றார். ஆடுகளம், படிக்காதவன், திருச்சிற்றம்பலம் என சன் பிக்சர்ஸ் தயாரிப்பில் தனுஷ் நடித்த படங்கள் அனைத்தும் மிகப்பெரிய வெற்றியை பெற்றுள்ளன. எனவே தற்போது தனுஷ் மீண்டும் சன் பிக்சர்ஸ் தயாரிப்பில் நடிக்கவுள்ளார் என்ற தகவல் ரசிகர்களின் எதிர்பார்ப்பை அதிகரித்துள்ளது குறிப்பிடத்தக்கது
