உலகில் சமீபகாலமாக ChatGPT எனும் AI கருவி ஒன்று பெரும் புரட்சியையே ஏற்படுத்திவருகிறது. மனிதர்கள் செய்யவேண்டிய வேலைகளை தானாகவே தேடல் செய்து அதுவாகவே அந்த வேலைகளை எல்லாம் செய்யும்.
நாம் Google மூலம் எதாவது ஒரு விஷயத்தை தேடல் செய்தால் நாம் தேடிய விஷயத்தை பற்றி பலவகையான ஆப்ஷன்கள் நமக்கு கிடைக்கும். ஆனால் அதுவே இந்த ChatGPT AI மூலம் செய்தால் நாம் என்ன தேடுகிறோமோ அதை பற்றி அதுவே தானாக AI மூலமாக ஆராய்ந்து நமக்கு தேவையான சரியான விவரத்தை மட்டுமே வழங்கும்.
இதனால் பலர் இதை பயன்படுத்த ஆரம்பித்துவிட்டார்கள். இதனால் Google நிறுவனத்திற்கு இதுவரை இல்லாத வகையில் நேரடி போட்டியாளராக இந்த செயலி உருவெடுத்துள்ளது. இதனால் Google நிறுவனத்தை உருவாக்கியவர்களான Larry Page மற்றும் Sergey Brin இதற்கு போட்டியாக 20க்கும் மேற்பட்ட AI கருவிகளை உருவாக்க திட்டமிட்டுள்ளார்கள். இதனை பற்றி அவர்கள் Google நிறுவனத்தின் தலைமை அதிகாரிகளை அழைத்து பேசியுள்ளார்கள்.
இந்த AI கருவிகளை வரும் மே மாதம் நடைபெறும் நிகழ்ச்சியில் அறிமுகம் செய்யும் என்று எதிர்பார்க்கப்படுகிறது. ஏற்கனவே Google நிறுவனம் இதேபோன்று AI கருவிகளான Duplex மற்றும் Google Glass போன்றவற்றை அறிமுகம் செய்தது.
இந்த புதிய AI கருவி மக்களுக்கு “இந்த புதிய கருவிகள் பயனர்களுக்கு சரியான மற்றும் பாதுகாப்பான விவரம் வழங்கும் என்றும் தவறான அல்லது போலியான விவரம் போன்றவற்றை தவிர்த்து சிறந்த தகவல்களை மட்டுமே வழங்கும் வகையில் இது உருவாக்கப்படவுள்ளது.
இதேபோன்று Image எடிட்டிங் கருவி ஒன்றையும் உருவாக்க திட்டமிட்டுள்ளது. இதை வைத்து AI மூலம் நாம் தனியாக இமேஜ் எடிட்டிங் செய்யலாம். ஒவ்வொரு விஷயத்திற்கும் தனித்தனியாக AI கருவிகளை Google நிறுவனம் வழங்கவுள்ளது.
சமீபத்தில் Google நிறுவனத்தில் வேலை செய்த 12 ஆயிரம் பேரை வேலையே விட்டு நீக்கியுள்ளது. இதற்கு முக்கிய காரணம் AI தொழில்நுட்பத்தை உருவாக்க பல மில்லியன் டாலர் செலவு ஆகும். இதற்காகவே ஊழியர்களை பணிநீக்கம் செய்து AI ஆராய்ச்சியில் குதித்துள்ளது.
இதனால் இப்போது நாம் இதுபோன்ற AI செயலிகளை Google மூலம் தேடினால் நமக்கு Google நிறுவனத்தின் Demo AI விவரங்கள் கிடைக்கின்றன. மேலும் Chat GPT போன்ற ஒரு AI உருவாக்கினால் நிறுவனத்தின் பெயர் கெட்டுவிடும் என்று கூறிவந்த Google அதை இப்போது மறந்து தனியாக ஒரு AI கருவியை உருவாக்கிவருகிறது.
செய்திகளை உடனுக்குடன் படிக்க கூகுள் நியூஸ்ல் ‘சமயம் தமிழ்’ இணையதளத்தை பின் தொடருங்கள்