துப்பாக்கி வன்முறை என்பது அமெரிக்காவில் ஒரு பெரிய பிரச்சனையாக உருவெடுத்து வருகிறது. துப்பாக்கி வன்முறை காப்பக இணையதளத்தின்படி, கடந்த ஆண்டில் மட்டும் பொதுவெளியில் 647 துப்பாக்கிச் சூடுகள் நடந்துள்ளது.
அந்தவகையில் அமெரிக்காவில் கடந்த ஆண்டு மட்டும் 44 ஆயிரம் பேர் துப்பாக்கிச் சூடு சம்பவங்களில் உயிரிழந்துள்ளனர். அமெரிக்காவில் பள்ளிக்கூட துப்பாக்கிச் சூடு சம்பவங்கள் பெருகி வருகின்றன. கடந்த மே மாதம் டெக்சாஸில் 18 வயது இளைஞன் நடத்திய துப்பாக்கிச் சூட்டில் 19 குழந்தைகள் பரிதாபமாக உயிரிழந்தனர்.
இந்தநிலையில் நேற்று சீன புத்தாண்டு கொண்டாட்டத்தின் போது மர்மநபர் துப்பாக்கிச்சூடு நடத்தியதில் 10 பேர் உயிரிழந்துள்ள சம்பவம் சோகத்தை ஏற்படுத்தியுள்ளது. சீனா மற்றும் வியட்நாமில் இருந்து அமெரிக்காவிற்கு குடிபெயர்ந்த குடும்பங்கள் நேற்று நள்ளிரவு சந்திர புத்தாண்டைக் கொண்டாடினர்.
இது சீனாவில் மிக முக்கியமான வருடாந்திர விடுமுறையாகக் கருதப்படுகிறது. ஒவ்வொரு ஆண்டும் சீன இராசியின் 12 அறிகுறிகளில் ஒன்றின் பெயரால் மீண்டும் மீண்டும் சுழற்சியில் கொண்டாடபடுகிறது. இந்த ஆண்டு முயல் ஆண்டு.
இந்த கொண்டாட்டத்தில் பெரிய குடும்பக் கூட்டங்கள் மற்றும் கோயில்களுக்குச் செல்லும் கூட்டம் ஆகியவை அடங்கும். புத்தாண்டு கொண்டாட்டத்தின் போது குழந்தைகளுக்கான பணத்துடன் கூடிய விரிவான இரவு உணவுகள் மற்றும் சிவப்பு உறைகள் ஆகியவை வழங்குவது நடைபெறும். அதன்படி நேற்று இரவு அமெரிக்காவின் தெற்கு கலிபோர்னியாவில் உள்ள ஆசிய நகரத்தில், சீன மற்றும் வியட்நாம் மக்கள் புத்தாண்டு கொண்டாட்டத்தில் ஈடுபட்டனர்.
லாஸ் ஏஞ்சல்ஸ் நகரத்திலிருந்து சுமார் 16 கிலோமீட்டர் தொலைவில் உள்ள பெரிய ஆசிய மக்கள்தொகை கொண்ட பகுதியாக ஆசிய நகரம் விளங்குகிறது. இங்கு சுமார் 60 ஆயிரம் ஆசிய மக்கள் வசித்து வருகின்றனர்.
தமிழர் திருநாளை முன்னிட்டு மாட்டு வண்டி எல்லை பந்தயம்.
சனிக்கிழமை இரவு 10 மணிக்குப் பிறகு (இந்திய நேரப்படி காலை 6 மணி) மான்டேரி பூங்காவில் சீன சந்திர புத்தாண்டு கொண்டாட்டம் நடைபெறும் இடத்தில் துப்பாக்கிச் சூடு நடத்தப்பட்டது. முன்னதாக திருவிழாவில் பல்லாயிரக்கணக்கான மக்கள் கலந்து கொண்டனர். அப்போது அங்கிருந்த மான்டேரி பூங்காவில் மர்மநபர் ஒருவர் பொதுமக்களைப் பார்த்து சுடத் தொடங்கினார்.
உக்ரைன் நியோ நாஜிக்கள் நசுக்கப்படுவார்கள்; ரஷ்ய அதிபர் புடின் உறுதி.!
துப்பாக்கிச் சூடு நடந்த இடத்திலிருந்து தெருவுக்கு எதிரே உள்ள கிளாம் ஹவுஸ் கடல் உணவு பார்பிக்யூ உணவகத்தின் உரிமையாளரான சியுங் வோன் சோய், லாஸ் ஏஞ்சில்ஸ் டைம்ஸிடம், மூன்று பேர் தனது வணிகத்திற்குள் விரைந்து வந்து கதவைப் பூட்டச் சொன்னார்கள். இயந்திரத் துப்பாக்கியுடன் துப்பாக்கிச் சூடு நடத்துபவர் ஒருவர் இருப்பதாகத் தன்னிடம் கூறப்பட்டதாக சோய் கூறினார். துப்பாக்கிச் சூட்டில் 10 பேர் இறந்துள்ளனர் மற்றும் குறைந்தது 10 பேர் காயமடைந்துள்ளனர் என்று போலீஸார் தெரிவித்துள்ளனர்.