உண்மை வெளிப்பட்டது; காங்கிரஸை பொளந்த பிரதமர்.!

கர்நாடகாவில் பாஜகவின் ஆட்சி நடைபெற்றுவருகிறது. முதல்வராக பசவராஜ் பொம்மை உள்ளார். இந்தநிலையில் 224 தொகுதிகள் கொண்ட கர்நாடக மாநில சட்டப்பேரவைக்கு வரும் மே மாதம் தேர்தல் நடைபெறும் என எதிர்பார்க்கப்படுகிறது. கடந்த 2018 சட்டப்பேரவை தேர்தலில் பாஜக 104 (36.35%), காங்கிரஸ் 80 (38.14%), மதச்சார்பற்ற ஜனதா தளம் 37 (18.3%), மற்றவை 3 என வெற்றி பெற்றன.

ஆட்சியை பிடிக்க 113 இடங்களை கைப்பற்ற வேண்டும். ஆனால் கடந்த முறை யாருக்கும் பெரும்பான்மை கிடைக்காத காரணமாக காங்கிரஸ் – மதச்சார்பற்ற கூட்டணி ஆட்சி அமைத்தது. ஆனால் 14 மாதங்களில் ஆட்சி கலைக்கப்பட்டு பாஜக ஆட்சியை பிடித்தது.

இதன் பின்னணியில் காங்கிரஸ் – மதச்சார்பற்ற கூட்டணி எம்.எல்.ஏக்கள் விலை போன சம்பவமும், இடைத்தேர்தலில் பாஜக சார்பில் போட்டியிட்ட நிகழ்வும் அரங்கேறின. அதன்பிறகு எடியூரப்பா, பசவராஜ் பொம்மை என இரண்டு பாஜக முதல்வர்கள் பதவி வகித்தனர். இந்த சூழலில் தான் 2023 சட்டப்பேரவை வரவுள்ளது. கடந்த தேர்தலை போல இல்லாமல் அறுதி பெரும்பான்மை பெற்று ஆட்சியை பிடிக்க பாஜக திட்டமிட்டுள்ளது.

மொத்தமுள்ள 224 தொகுதிகளில் குறைந்தது 150 இடங்களில் வெற்றி பெற வேண்டும் என இலக்கு நிர்ணயித்துள்ளது. இம்முறை கூட்டணி கணக்குகள் மாறும் சூழல் ஏற்பட்டிருக்கிறது. மதச்சார்பற்ற ஜனதா தளம் உடன் பாஜக கைகோர்க்குமா எனக் கேள்வி எழுந்த நிலையில், அதற்கு வாய்ப்பில்லை என அக்கட்சி தலைமை முற்றுப்புள்ளி வைத்துள்ளது. எனவே பாஜக தனித்து களமிறங்க அதிக வாய்ப்புள்ளதாக தெரிகிறது.

சட்டப்பேரவை தேர்தலை தொடர்ந்து காங்கிரஸ், பாஜக மற்றும் மதச்சார்பற்ற ஜனதா தளம் ஆகிய கட்சிகள் தீவிர பிரச்சாரங்களை மேற்கொண்டு வருகின்றன. 200 யுனிட் வரை இலவச மின்சாரம், குடும்பத் தலைவிகளுக்கு மாதம் 2000 ஆயிரம் ரூபாய் வழங்கப்படும் உள்ளிட்ட வாக்குறுதிகளை காங்கிரஸ் அளித்துள்ளது.

இந்தநிலையில் பிரதமர் மோடி பிப்ரவர் 6 (இன்று) முதல் 8ஆம் தேதி வரை மூன்று நாட்கள் கர்நாடக மாநிலத்தில் சுற்றுப்பயணம் மேற்கொள்கிறார். இந்த பயணத்தில் பல்வேறு நலத்திட்ட உதவிகளை தொடங்கி வைக்கிறார். குறிப்பாக தும்கூரு ஹெலிகாப்டர் ஆலை திறப்பு விழா, தொழில் நகரத் திட்டம் மற்றும் தூய்மை குடிநீர் திட்டங்களுக்கு அடிக்கல் நாட்டு விழா ஆகியவை நடைபெறவுள்ளது.

தற்போது கர்நாடகாவில் பாஜக ஆட்சிக் கட்டிலில் இருப்பதால் அதை தக்க வைக்க வியூகம் வகுத்து வருகிறது. இதற்கு உறுதுணையாக பிரதமர் மோடி பல்வேறு கட்ட சுற்றுப்பயணம் மேற்கொள்ள திட்டமிட்டுள்ளார். அதன் ஒருபகுதியாகவே இன்றைய தினம் கர்நாடகா வருகிறார். இந்த பயணத்தால் பாஜகவினர் மிகுந்த உத்வேகம் பெற்று களப்பணியில் வேகம் காட்டுவர் என எதிர்பார்க்கப்படுகிறது.

இந்தநிலையில் கர்நாடகாவில் இன்று தும்கூரு ஹெலிகாப்டர் ஆலையை திறந்து வைத்த பிரதமர் மோடி கூறுகையில், ‘‘ரபேல் போர் விமானங்கள் கொள்முதல் குறித்தும், ஹிந்துஸ்தான் ஏரோநாட்டிக்ஸ் லிமிடெட் பற்றியும் தவறான தகவல்கள் பரப்பப்பட்டன. மேலும் எங்கள் அரசாங்கத்தின் மீது பல பொய்யான குற்றச்சாட்டுகள் கூறப்பட்டன.

பாராளுமன்றத்தின் பல வேலை நேரம் இத்தகைய பொய்யான குற்றச்சாட்டுகளுக்காக வீணடிக்கப்பட்டது. இந்திய பொதுத்துறை நிறுவனமான ஹிந்துஸ்தான் ஏரோநாட்டிக்ஸ் லிமிடெட் நிறுவனத்தில் ஹெலிகாப்டர் தொழிற்சாலைக்கான அடிக்கல் நாட்டுவிழா, எதிர்கட்சிகளின் பொய்யான குற்றச்சாட்டுகளை முன்வைத்தவர்களை அம்பலப்படுத்தும். இது இந்தியாவின் பாதுகாப்பில் தன்னம்பிக்கையை உயர்த்துகிறது. எதிர்க்கட்சிகளின் குற்றச்சாட்டுகளுக்கு இந்த தொழிற்சாலை பதில் சொல்லும். உண்மை இன்று வெளிப்படுகிறது’’ என பிரதமர் கூறினார்.

Leave a Comment

This site uses Akismet to reduce spam. Learn how your comment data is processed.