800 கோடி வசூலைக் கடந்த 'பதான்'
சித்தார்த் ஆனந்த் இயக்கத்தில், ஷாரூக்கான், தீபிகா படுகோனே, ஜான் ஆபிரகாம் மற்றும் பலர் நடிப்பில் ஜனவரி 25ம் தேதி வெளிவந்த படம் 'பதான்'. இப்படம் உலக அளவில் 800 கோடி வசூலைக் கடந்துள்ளதாகத் தகவல் வெளியாகி உள்ளது.
இந்தியாவில் 500 கோடிக்கு அதிகமாகவும், வெளிநாடுகளில் 300 கோடிக்கு அதிகமாகும் மொத்தத்தில் யுஎஸ் டாலர் மதிப்பில் 100 மில்லியனைக் கடந்துள்ளது என பாக்ஸ் ஆபீஸ் வட்டாரங்கள் தெரிவிக்கின்றன. இந்த சாதனையை 12 நாட்களிலேயே 'பதான்' படைத்துள்ளதாம். 2023ல் உலக அளவில் வெளிவந்த படங்களில் 100 மில்லியன் யுஎஸ் டாலர் வசூலைக் கடந்த 6வது படமாக 'பதான்' இருக்கிறதாம்.
இந்தியாவில் மட்டும் நிகர வசூல் 430 கோடி என்கிறார்கள். 'பாகுபலி 2' படம் 400 கோடியைக் கடக்க 15 நாட்களையும், 'கேஜிஎப் 2' படம் 23 நாட்களையும் எடுத்துக் கொண்டதாம். அந்த சாதனையை தற்போது 'பதான்' முறியடித்திருக்கிறது.