பிப்., 24ல் ‛சிங்கிள் சங்கரும் ஸ்மார்ட்போன் சிம்ரனும்' ரிலீஸ்
மிர்ச்சி சிவா நடிப்பில் ‛காசேதான் கடவுளடா, சுமோ' ஆகிய படங்கள் உருவாகி ரிலீஸிற்கு தயாராக உள்ளன. இருப்பினும் சில காரணங்களால் இந்த படங்களின் வெளியீட்டில் தாமதம் ஏற்பட்டுள்ளது. இதற்கிடையே கோல்மால், சலூன், சிங்கிள் சங்கரும் ஸ்மார்ட்போன் சிம்ரனும் ஆகிய படங்களில் நடித்து வந்தார் சிவா. இவற்றில் சிங்கிள் சங்கரும் ஸ்மார்ட்போன் சிம்ரனும் படம் வெளியீட்டிற்கு தயாராகிவிட்டது.
விக்னேஷ் ஷா இயக்கத்தில் சிவா உடன் மேகா ஆகாஷ், அஞ்சு குரியன், ராஜேந்திரன் உள்ளிட்டோர் இந்த படத்தில் நடித்துள்ளனர். காமெடி கலந்த படமாக உருவாகி உள்ளது. வருகிற பிப்., 24ல் படம் ரிலீஸாவதாக அறிவிக்கப்பட்டுள்ளது. ஏற்கனவே இந்த படத்தின் வித்தியாசமான போஸ்டர்கள் வெளியாகி ரசிகர்களை கவர்ந்தது குறிப்பிடத்தக்கது.