உலகளவில் வெளியான முதல் ஸ்மார்ட்போனான Apple iPhone First generation போன் ஒரு ஏலத்தில் (63,356 $) 53 லட்ச ரூபாய்க்கு விற்பனையாகியுள்ளது. தினசரி பயன்பாடு என்பது போய் இப்போதெல்லாம் ஐபோன்கள் ஒரு கவுரவமாக பார்க்கப்படுகிறது.
இந்த போனின் முதல் ஜெனரேஷன் மாடல் இவ்வளவு பெரிய தொகைக்கு ஏலம் போயுள்ளது மிகவும் ஆச்சர்யமாக பார்க்கப்படுகிறது. இந்த முதல் ஜெனெரஷன் ஐபோன் 3G வசதியுடன் (599$) 50ஆயிரம் ரூபாய்க்கு விற்பனை செய்யப்பட்டது. இது இப்போது மிகப்பெரிய தொகையாக அரை கோடி ரூபாய்க்கு விற்பனை ஆகியுள்ளது.
இந்த போனில் 8GB ஸ்டோரேஜ் வசதி கொண்டுள்ளது. இந்த சீல் பிரிக்காத ஐபோன் முதல் ஜெனெரஷன் மாடல் 2500$ டாலர் (2.06 லட்சம் ரூபாய்) விலையில் ஏலம் தொடங்கப்பட்டது. ஆனால் அதை விட 4 மடங்கு அதிகப்படியான விலைக்கு ஏலம் போயுள்ளது.
இந்த போனை Karen green என்பவர் 15 ஆண்டுகளுக்கு முன்னதாக அவரின் நண்பருக்கு வாங்கியது. இந்த போன் பணத்தை வைத்து அவர் புதிய தொழில் தொடங்க திட்டமிட்டுள்ளதாக கூறியுள்ளார். இந்த போன் அதன் உண்மையான விலையை விட 100 மடங்கு அதிக தொகைக்கு ஏலம் போயுள்ளது.
அவர் கடந்த 2007 ஆம் ஆண்டு இந்த போனை வாங்கினாலும் Verizon நிறுவனத்தில் வேலை செய்ததால் அதை அவர் பிரிக்கவேயில்லை. அப்போது Verizon சேவை ஐபோன்களில் இல்லாததால் அதை பயன்படுத்தாமல் வைத்திருந்தார். இத்தனை ஆண்டுகள் கழித்து அவருக்கு அந்த போனை ஏலம் விடுவதற்கான வாய்ப்பு கிடைத்ததும் அதை வைத்து அவர் பணமாக்கியுள்ளார். முதல் ஜெனரேஷன் ஐபோன் வரலாறு மிக போன் என்பதால் அதற்கு அதிகப்படியான மதிப்பு உள்ளது.
1st Gen iPhone
இந்த முதல் போன் 599$ விலைக்கு விற்பனை செய்யப்பட்டது. இதில் 4GB அல்லது 8GB ஸ்டோரேஜ் ஆப்ஷனில் வெளியானது. மேலும் 2MP கேமரா வசதி, 3.5 இன்ச் ஸ்க்ரீன் போன்ற ஆப்ஷன்கள் உள்ளன. இந்த போன் ஆப்பிள் நிறுவனர் ஸ்டீவ் ஜாப்ஸ் மேற்பார்வையில் தயாரிக்கப்பட்டு அறிமுகம் செய்யப்பட்டது. அப்போது அவர் இந்த போனை ஒரு புரட்சிகரமானது என்று அறிவித்தார்.
அவர் கூறியது போலவே உலகில் ஸ்மார்ட்போன் ஒரு பெரும் புரட்சியை செய்து இன்று உலகின் நம்பர் 1 போன் செக்மென்ட்டாக உள்ளது. இந்த முதல் ஐபோன் இவ்வளவு பெரிய விலைக்கு ஏலம் போக காரணம் அதன் உருவாக்கமும் அதன் பின்னால் இருக்கும் கதையும் என்று அந்த ஏலத்தில் கூறியுள்ளார்கள்.
செய்திகளை உடனுக்குடன் படிக்க கூகுள் நியூஸ்ல் ‘சமயம் தமிழ்’ இணையதளத்தை பின் தொடருங்கள்