முதல் முறையாக கமலுக்கு ஜோடியாகும் நயன்தாரா
தென்னிந்திய சினிமாவில் முன்னணி நடிகையாக இருப்பவர் நயன்தாரா. தற்போது ஹிந்தியில் ஷாரூக்கான் உடன் ஜவான் படத்தில் நடித்து வருகிறார். இதுவரை தமிழில் ரஜினி, அஜித், விஜய், சூர்யா போன்ற பல முன்னணி நடிகர்களுடன் நடித்துவிட்டார். ஆனால் கமல்ஹாசன் உடன் இன்னும் ஒரு படத்தில் கூட நடிக்கவில்லை.
இந்நிலையில் 'இந்தியன்2' படத்திற்கு பின் மணிரத்னம் இயக்கும் புதிய படத்தில் கமல் இணையுள்ளார். இந்த படத்தில் கமலுக்கு ஜோடியாக நடிக்க முதலில் த்ரிஷாவுடன் பேச்சுவார்த்தை நடைபெற்றது. ஆனால் தற்போது த்ரிஷாவிற்கு பதிலாக நயன்தாராவை நடிக்க வைக்க மணிரத்னம் திட்டமிட்டுள்ளதாக தகவல் வெளியாகியுள்ளது. இதுபற்றி பேச்சுவார்த்தை நடக்கிறது. விரைவில் இது குறித்து அதிகாரபூர்வ அறிவிப்பு வெளியாகும் என எதிர்பார்க்கப்படுகிறது. அப்படி நயன்தாரா நடிக்கும் பட்சத்தில் முதன்முறையாக கமல் உடன் அவர் இணையும் படம் இதுவாக இருக்கும்.