சின்னத்திரையில் ‘சரவணன் மீனாட்சி’ தொடர் மூலம் பிரபலமானவர் கவின். விஜய் டிவி சீரியல் மூலம் கிடைத்த வரவேற்பை தொடர்ந்து பிக்பாஸ் நிகழ்ச்சியில் போட்டியாளராக களமிறங்கினார். இந்நிலையில் தற்போது படங்களில் நடித்து வரும் கவினின் புதிய படம் குறித்த அறிவிப்பு வெளியாகி சோஷியல் மீடியாவில் வைரலாகி வருகின்றன.
இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
பிக்பாஸ் சீசன் 3 நிகழ்ச்சியில் கலந்துக்கொண்ட கவின் டைட்டில் வெல்லுவார் என எதிர்பார்க்கப்பட்டது. ஆனால் திடீரென பணப்பெட்டியை எடுத்துக்கொண்டு பிக்பாஸ் நிகழ்ச்சியை விட்டு வெளியேறினார். ஆனாலும் இந்நிகழ்ச்சி கவினுக்கு மிகப்பெரிய பிரேக்கை கொடுத்தது. பிக்பாஸ் நிகழ்ச்சியை தொடர்ந்து கவின் நடிப்பில் ரிலீசான ‘லிப்ட்’ படம் ரசிகர்கள் மத்தியில் நல்ல வரவேற்பை பெற்றது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இதனையடுத்து கவின் நடிப்பில் கடந்த சில மாதங்களுக்கு முன்பாக ‘டாடா’ படம் ரிலீசானது. அறிமுக இயக்குனர் கணேஷ் பாபு என்பவர் இந்தப்படத்தை இயக்கியிருந்தார். ஒலிம்பியா மூவிஸ் சார்பாக்க எஸ். அம்பேத்குமார் தயாரித்திருந்த இந்தப்படத்தை தமிழகம் முழுவதும் ரெட் ஜெயண்ட் மூவிஸ் நிறுவனம் வெளியிட்டது.
‘டாடா’ படத்தில் கவின், அபர்ணா தாஸ், பாக்யராஜ், ஐஸ்வர்யா பாஸ்கரன், விடிவி கணேஷ், பிரதீப் ஆண்டனி, ஹரிஸ் உள்ளிட்ட பலர் முக்கியமான கதாபாத்திரங்களில் நடித்திருந்தனர். அப்பா, மகன் பாசத்தை வைத்து பீல் குட் படமாக ‘டாடா’ ரிலீசானது. ரசிகர்கள் மத்தியில் இந்தப்படம் நல்ல வரவேற்பை பெற்றது. மேலும் வசூலிலும் இந்தப்படம் மாஸ் காட்டியது.
ஆஷிஷ் வித்யார்த்தியின் இரண்டாம் திருமணம்: வைரலாகும் முதல் மனைவியின் பதிவு.!
திரையுலக பிரபலங்கள் பலரின் பாராட்டு மழையிலும் ‘டாடா’ படம் நனைந்தது. குறிப்பாக கவனின் நடிப்பு இந்தப்படத்தில் பாராட்டுக்களை அள்ளியது. ‘டாடா’ படத்திற்கு கிடைத்த வரவேற்பால் கவினுக்கு பல புதிய பட வாய்ப்புகள் குவிந்தன. இந்நிலையில் கவின் நடிப்பில் அடுத்ததாக உருவாகவுள்ள படத்தின் அதிகாரப்பூர்வ அறிவிப்பு வெளியாகியுள்ளது.
அதன்படி கவனின் அடுத்த படத்தை டான்ஸ் மாஸ்டர் சதீஷ் இயக்குகிறார். இவர் பல ஹிட் படங்களில் நடன இயக்குனராக பணியாற்றியுள்ளார். அத்துடன் விஜய்யின் ‘பீஸ்ட்’ படத்திலும் நடித்திருந்தார். இவர் இயக்குனராக அறிமுகமாகவுள்ள படத்தில் கவின் நடிக்கிறார். இந்தப்படத்தில் அண்மையில் வெளியாகி பாராட்டுக்களை குவித்த ‘அயோத்தி’ படத்தில் நடித்து கவனம் ஈர்த்த பிரீத்தி அஸ்ராணி ஹீரோயினாக நடிக்கிறார்.
ரோமியோ பிக்சர்ஸ் ராகுல் தயாரிக்கும் இந்தப்படத்திற்கு அனிருத் இசையமைக்கிறார். ஜெயிலர், இந்தியன் 2, லியோ, விடாமுயற்சி போன்ற முன்னணி நடிகர்களின் படங்களுக்கு பிசியாக இசையமைத்து வரும் அனிருத் தற்போது கவின் படத்துக்கு இசையமைக்கவுள்ளார். பூஜையுடன் துவங்கியுள்ள இந்தப்படத்தின் டைட்டிலுடன் கூடிய பர்ஸ்ட் லுக் போஸ்டர் விரைவில் வெளியாகும் என படக்குழு தெரிவித்துள்ளது குறிப்பிடத்தக்கது.
Kazhuvethi Moorkkan: ‘கழுவேத்தி மூர்க்கன்’ படம் எப்படி இருக்கு.?: முழு விமர்சனம் இதோ.!