கடந்த வாரம் பிரபாஸ் நடிப்பில் வெளியாகியுள்ள ‘ஆதிபுருஷ்’ படம் பலவிதமான நெகட்டிவ் விமர்சனங்களை குவித்து வருகிறது. இந்த பிரச்சனைகளுக்கு மத்தியில் வசூலிலும் கலக்கி வருகிறது இந்தப்படம். இந்நிலையில் ‘ஆதிபுருஷ்’ படத்துக்கு தடைசெய்யக்கோரி பிரதமர் மோடிக்கு கடிதம் எழுதப்பட்டுள்ளது பரபரப்பை கிளப்பியுள்ளது.
ஏர் கண்டிஷனர்களில் இந்த சீசனில் மிகப்பெரிய சேமிப்பு – ரூ. 24,999/-
‘ஆதிபுருஷ்’ பான் இந்தியா படமாக வெளியாகியுள்ளது. ‘பாகுபலி’ படத்திற்கு பிறகு பிரபாஸ் நடிப்பில் ரிலீசான எந்த படங்களும் வரவேற்பை பெறாத நிலையில் தற்போது மிகுந்த எதிர்பார்ப்பிற்கு மத்தியில் ‘ஆதிபுருஷ்’ ரிலீசாகியுள்ளது. ஓம் ராவத் இந்தப்படத்தை ராமாயணத்தை மையமாக கொண்டு இயக்கியுள்ளார்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
ராமராக பிரபாஸ், சீதையாக கீர்த்தி சனோன், ராவணனாக சைப் அலிகான் உள்ளிட்டோர் நடித்து ‘ஆதிபுருஷ்’ படம் வெளியாகியுள்ளது. தமிழ், மலையாளம், தெலுங்கு, கன்னடம் மற்றும் இந்தி ஆகிய மொழிகளில் 3டி அனிமேஷன் தொழில்நுட்பத்தில் இந்தப்படம் ரிலீசாகியுள்ளது.
கடந்த வாரம் வெளியான ‘ஆதிபுருஷ்’ படம் பலவிதமான நெகட்டிவ் விமர்சனங்களை குவித்து வருகிறது. படத்தின் பெரும்பாலான கிராபிக்ஸ் காட்சிகள் சுமாராக இருப்பதாக ரசிகர்கள் கடுமையாக விமர்சித்தனர். இதனிடையில் ‘ஆதிபுருஷ்’ படத்தின் காட்சிகள் மற்றும் வசனங்கள் குறித்தும் பல்வேறு சர்ச்சைகள் கிளம்பியது.
Mar Selvaraj: கமல் முன்பாக ‘தேவர் மகன்’ படத்தை விமர்சித்த மாரி செல்வராஜ்.?: பரபரக்கும் இணையம்.!
இந்நிலையில் அனைத்து இந்திய திரைப்பட தொழிலாளர் சங்கம் ‘ஆதிபுருஷ்’ படத்தை தடை செய்ய வேண்டும் என பிரதமர் நரேந்திர மோடிக்கு கடிதம் எழுதியுள்ளனர். படத்தின் திரைக்கதை மற்றும் வசனங்கள் ராமரையும், அனுமனையும் இழிவுபடுத்துவதாக கூறி படத்தை முழுவதுமாக தடை செய்ய வேண்டும் என பிரதமர் மோடிக்கு கோரிக்கை வைத்துள்ளனர்.
மேலும், ராமரின் கதாபாத்திரத்தை ஏதோ வீடியோ கேம்களில் வரும் கேரக்டர்களை போல் இழவுபடுத்தியிருப்பதாகவும், படத்தில் இடம்பெற்றுள்ள வசனங்களும் இழவு படுத்து விதமாக இருப்பதாகவும் தெரிவித்துள்ளனர். இதனால் படம் திரையரங்குகளிலும், எதிர்காலத்தில் ஓடிடியில் வெளியாவதையும் பிரதமர் மோடி தடுக்க வேண்டும் என அந்த கடிதத்தில் குறிப்பிடப்பட்டுள்ளது. இதனால் பரபரப்பு கிளம்பியுள்ளது.
நடிகை கனகா குறித்து கங்கை அமரன் வேதனை..வீட்டிற்கு சென்றும் பார்க்க முடியவில்லை!