கடந்த ஆகஸ்ட் 10 ஆம் தேதி வெளியான ‘ஜெயிலர்’ படத்தின் சக்சஸ் பார்ட்டியை சிம்பிளாக கொண்டாடியுள்ளார் நடிகர் ரஜினிகாந்த்.
உச்சக்கட்ட மகிழ்ச்சி’ஜெயிலர்’ படம் வசூலில் பல சாதனைகளை படைத்து வருகிறது. தமிழ்நாட்டை தாண்டி அண்டை மாநிலங்களிலும், வெளிநாடுகளிலும் படத்திற்கு வேறலெவல் வரவேற்பு கிடைத்துள்ளது. இதனால் ரஜினி உட்பட படக்குழுவினர் உச்சக்கட்ட மகிழ்ச்சியில் உள்ளனர். இதனிடையில் பாக்ஸ் ஆபிஸிலும் ரூபாய். 500 கோடியை தாண்டி வசூலில் சக்கை போடு போட்டு வருகிறது ‘ஜெயிலர்’.
ரஜினி – நெல்சன் கூட்டணிரஜினி நடிப்பில் கடைசியாக வெளியான ‘அண்ணாத்த’ படம் ரசிகர்களின் எதிர்பார்ப்பை முழுவதுமாக பூர்த்தி செய்யவில்லை. இந்தப்படத்தை தொடர்ந்து தான் நெல்சனுடன் கூட்டணி அமைத்தார் ரஜினி. நெல்சன் இயக்கத்தில் கடைசியாக வெளியான ‘பீஸ்ட்’ படம் ஏகப்பட்ட ட்ரோல்களை சந்தித்தால், ‘ஜெயிலர்’ படம் எப்படி வரும் என்ற கலக்கத்தில் ரஜினி ரசிகர்கள் இருந்தனர்.
மாஸ் காட்டிய ரஜினிஇந்நிலையில் கடந்த 10 ஆம் தேதி வெளியான ‘ஜெயிலர்’ படத்தை உலகம் முழுவதும் உள்ள ரஜினி ரசிகர்கள் கொண்டாடும் அளவிற்கு சிறப்பாக எடுத்துவிட்டார் நெல்சன் திலீப்குமார். விண்டேஜ் தலைவர் இஸ் பேக் என ரசிகர்கள் பயர் விடும் அளவிற்கு படத்தில் ரஜினியும் மாஸ் காட்டி விட்டார். இதனாலே ரிலீசான நாளில் இருந்து ‘ஜெயிலர்’ படத்திற்கு பாசிட்டிவ் விமர்சனங்கள் குவிந்தன. தமிழ்நாட்டை தாண்டி பிற மாநில ரசிகர்களும் படத்தை கொண்டாடி தீர்த்தனர்.
சக்சஸ் பார்ட்டிஇதனிடையில் ‘ஜெயிலர்’ படத்தின் ரிலீசுக்கு முன்பாகவே இமயமலை சென்றுவிட்டார் ரஜினி. இந்நிலையில் கடந்த இரு தினங்களுக்கு முன்பாக மீண்டும் சென்னை திரும்பினார். இதனையடுத்து ‘ஜெயிலர்’ படத்தின் சக்சஸ் பார்ட்டி சிம்பிளாக நடந்து முடித்துள்ளது. இந்நிகழ்வில் நடிகர் ரஜினிகாந்த், இயக்குனர் நெல்சன் மற்றும் அவரது உதவி இயக்குனர்கள் கலந்துக்கொண்டுள்ளனர். இதுதொடர்பான போட்டோஸ் இணையத்தில் வைரலாகி வருகிறது.
தொடரும் வசூல் வேட்டைகடந்த ஆகஸ்ட் 10 ஆம் தேதி வெளியான ‘ஜெயிலர்’ ஒரே வாரத்தில் ரூ. 375 கோடி வசூலித்ததாக அதிகாரப்பூர்வ அறிவிப்பு வெளியானது. இந்நிலையில் படம் வெளியாகி இரண்டு வாரங்கள் கடந்துள்ள நிலையில் உலக அளவில் ‘ஜெயிலர்’ படம் ரூ. 525 கோடிக்கு மேல் வசூலித்துள்ளதாக சன் பிக்சர்ஸ் நிறுவனம் அதிகாரப்பூர்வமாக அறிவித்துள்ளது. ‘ஜெயிலர்’ படத்தின் வசூல் வேட்டை இரண்டு வாரங்கள் கடந்தும் தொடருவது ரஜினி ரசிகர்கள் மத்தியில் கொண்டாட்டத்தை ஏற்படுத்தியுள்ளது.