‘தளபதி 68’ பட வேலைகள் வேகமெடுக்க துவங்கியுள்ளது. அண்மையில் ‘லியோ’ படப்பிடிப்பை நிறைவு செய்த விஜய், தற்போது தனது அடுத்த படத்திற்கான வேலைகளில் மும்முரமாக இறங்கிட்டார். என்னடா தளபதி கேப்பே இல்லாமல் ஓடுகிறாரே என ரசிகர்கள் ஆச்சரியப்பட்டுவதற்கு மத்தியில், ‘தளபதி 68’ படம் குறித்த அடுத்தடுத்த தகவல்கள் ரசிகர்களை அசர வைத்து வருகிறது.
தமிழ், தெலுங்கு மொழியில் வெளியான ‘வாரிசு’ படத்தினை தொடர்ந்து லியோவில் நடிக்க ஆரம்பித்தார் விஜய். ரசிகர்கள் பெரிதும் எதிர்பார்த்த இந்த கூட்டணி இரண்டாவது முறையாக இணைந்தனர். கோலிவுட் சினிமாவின் அடுத்த பிரம்மாண்டமான ரிலீசாக இருக்கும் என இப்போது சினிமா வட்டாங்கள் ‘லியோ’ பட வெளியீடு குறித்து பேசி வருகின்றனர்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இந்நிலையில் தான் யாருமே எதிர்பார்க்காத வகையில் லியோவை தொடர்ந்து வெங்கட் பிரபு இயக்கத்தில் தனது அடுத்த படத்தில் நடிக்கவுள்ளார் விஜய். இந்தப்படம் குறித்த அறிவிப்பு வெளியானதில் இருந்தே ரசிகர்களிடையே மிகுந்த எதிர்பார்ப்பு நிலவி வருகிறது. ஏஜிஎஸ் நிறுவனத்தின் தயாரிப்பில் யுவன் ஷங்கர் ராஜா இசையில் ‘தளபதி 68’ படம் உருவாக இருக்கிறது.
ஏகேவை வைத்து அஜித் ரசிகர்கள் மறக்க முடியாத ‘மங்காத்தா’ என்ற பிரம்மாண்ட வெற்றி படத்தை கொடுத்த வெங்கட் பிரபு, விஜய்யை வைத்து எப்படி படம் இயக்க போகிறார் என்பதை காண ரசிகர்கள் வெறித்தனமாக காத்திருக்கின்றனர். மேலும், வெங்கட் பிரபு கடைசியாக இயக்கிய ‘கஸ்டடி’ படம் பெரியளவில் போகாததால் ‘தளபதி 68’ படம் எப்படி இருக்க போகிறது என்ற எதிர்பார்ப்பும் கோலிவுட் வட்டாரத்தில் நிலவி வருகிறது.
அமெரிக்கா ஏர்போர்ட்டில் விஜய்.. எல்லாம் ‘தளபதி 68’ படத்துக்காக: தீயாய் பரவும் புகைப்படம்.!
இந்நிலையில் ‘தளபதி 68’ படத்திற்காக தற்போது படக்குழுவினர் அமெரிக்காவில் உள்ள லாஸ் ஏஞ்சல்ஸ் சென்றுள்ளனர். அங்கு இருந்தப்படி படம் குறித்த லேட்டஸ்ட் அப்டேட்டை தனது ட்விட்டர் பக்கத்தில் வெளியிட்டுள்ளார் இயக்குனர் வெங்கட் பிரபு. அதில், விஜய்யின் அட்டகாசமான புகைப்படத்தை பகிர்ந்து ‘எதிர்காலத்திற்கு வரவேற்கிறோம்’ என பதிவிட்டுள்ளார். அவரின் இந்த பதிவு தற்போது சோஷியல் மீடியாவில் வைரலாகி வருகிறது.
இங்கு ‘தளபதி 68’ படத்திற்கான 3D ஸ்கேனிங் மற்றும் vfx பணிகள் நடைபெற்று வருவதாக கூறப்படுகிறது. இதனைப்பார்த்த ரசிகர்கள் ஆரம்பமே அமர்க்களமாக உள்ளது. வெங்கட் பிரபு ஏதோ பெரிய சம்பவம் செய்ய போறார் போல என கூறி வருகின்றனர். இதனால் ‘தளபதி 68’ படத்திற்கான ஹேஸ்டாக்குகளை சோஷியல் மீடியாவில் டிரெண்ட் செய்து வருகிறார்கள் விஜய் ரசிகாஸ்.
‘தளபதி 68’ பட கதை முதல் ஹீரோயின் வரை: வெளியான அசத்தலான அப்டேட்.!